مواقف محرجة :$

كنت قاعد على تويتر لا بيا ولا عليا .. لاقيت الهاشتاج ده #MwakefMo7rega

قلت اكتب لي موقف ولا اتنين لاقيت العملية سرحت مني خالص وفضلت لوكلوك لوكلوك والتويتات عمالة بتكتر .. لاقيت الأفضل أجمعهم في مكان واحد عشان ما يضيعوش وسط الزحمة

* كنت مع بابا وماما في زيارة لناس معرفة وبنتهم زميلتي في المدرسة فمامتها بتقولي شد حيلك وادخل هندسة وهانخطبلك ".."، اتلبخت وسكت

.

.

.

 * مرة دخلت مطعم أنا وواحد صاحبي وبعد ما طلبنا الأكل اكتشفنا إننا نسينا الفلوس

.

.

.

* كنت قاعد مع 3 أصحابي لمدة طويلة ، قام واحد يجيب حاجة وأنا جالي زهايمر فجأة فسألتهم هو مين الرابع اللي كان معانا ؟

.

.

.

* بمناسبة الزهايمر ابقى رايح اشتري حاجة معينة وأول ما الراجل يسألني عايز ايه انسى واقوله عايز ... عايز ....

.

.

.

*  كنت في درس وصاحبي بيوصف لي مكان فبيقولي جنب بيت الشيخ محمد حسن وأنا اضحك واقوله فيه شيخ ف الدنيا اسمه كده ؟ وبنته قاعدة قصادي

.

.

.

* زهايمر تاني .. ماما بتقولي أحطلك تتغدى ؟ قولتلها ايه ده هو أنا ماتغديتش ؟؟؟ ‎:D‏

.

.

.

* راكب في ميكروباص وباجمع الأجرة ولاقيت الفلوس زيادة قعدت أنادي كل شوية ياجدعان حد له باقي ؟ وفي الآخر طلعت أنا اللي ليا باقي

.

.

.

* في فرح أختي راجل كبير بيقولي ألف مبروك قلتله عقبالك ‎:$‏

.

.

.

* كنت بأوزع جوايز مسابقة في إذاعة المدرسة .. بأدور ع الورقة اللي فيها أسامي الفايزين ملاقيتهاش

.

.

.

* مكنتش لابس النضارة ودخلت مدرج غلط .. مخدتش بالي غير وأنا في وسط المدرج .. أبص يمين شمال مش لاقي حد اعرفه 

.

.

.

* قاعد مع معيد عندنا ونسيت اعمل الموبايل سايلنت .. فجأة رن الموبايل وكنت عامل نغمة "Vola Vola Palombella"

.

.

.

* كنت في مسابقة التحدث بالفصحى وعمال أخطب قدام لجنة التحكيم وهم يقولولي جميل .. ممتاز وفجأة رحت ضاحك ومقدرتش أمسك نفسي وانسحبت

.

.

.

* باهزر مع واحد صاحبي شعره طويل .. بانعكشله شعره بإيدي رحت موقعله النضارة

.

.

.

* كنا بنعمل ريبورت فواحدة زميلتي بتقولي هانستخدم اليو .. اقولها معندناش يو في المسألة .. واحدة تانية اتدخلت وقالت قصدها الرو

.

.

.

* واحد بيسألني الساعة معاك كام .. بصيت في الساعة كده ومعرفش ايه اللي حصللي ... معرفتش اترجم وضع العقارب لزمن !!!

.

.

.

* كنت ف رسالة باعمل استكشاف حالة لست كبيرة .. عندك كام سنة يا حاجة؟ قالتلي 24 .. تنحت وسكت .. قالت 34 .. فضلت متنح .. 44...إلخ ‎:)‏)

.

.

.

* وأنا خارج من عند صاحبي قعدت أدور ع النضارة قالي مانت لابسها أهو.. افتكرت عادل إمام وقلتله كويس إنك فكرتني كنت هامشي من غيرها :)‏)

.

.

.

* أنا أكتر واحد تحصله مواقف محرجة بسبب النسيان .. عندي زهايمر رهيب .. لدرجة إني مش فاكر المواقف دي =))

.

.

.

.

وإلى لقاء آخر في مواقف محرجة أخرى .. اقعدوا بالعافية  ^ ^

.

.

.

.

.

 

---