وآدي اللي كان
بيقول زمان
حميت الثورة
م الأشرار
راجع يقول
أنا والفلول
هانحمي السلطة
م الثوار
وآدي اللي ثار
على الكبار
مرمي في سجون
يا مجلس عار
تسحل أخوك ؟
ابنك وأبوك ؟
لاجلن عيون
ولاد الكار ؟
وآدي الخلاف
يعلو الهتاف
مين اللي ثار
مين اللي خاف
مين فينا قط
مين اللي فار
فين الخلاص
فين المسار
مين اللي نخبة
مين الحمار
مين اللي جنة
مين اللي نار
وآدي اللي صار
ثورة في متاهة
مفروض عليها
مليون حصار
2 Comments:
راااائعة ! أعجبتني لغتك جدًا، وأعجبني مضمون القصيدة نفسها طبعًا :D
اعجبتني كثير وفكرتني بـ " آدي اللي كان " لسماح بسام على ماعتقد
فكرتها حلوة وبسيطة
ربنا يحفظ مصر والمصريين
قلوبنا معاكم دائما وأبدا
Post a Comment
لا يسلم البوست الرفيع مع الأذى ، حتى تراق على جوانبه الكومنتس
^_^