البتـــاعة

بالأمس كانوا هنا ..!

2012-01-01T00:30:00.000+02:00

إن الناظر في التاريخ ليجد به الكثير من الدروس والعبر التي إن وُعِيَّت جيدًا لجنبتنا مخاطر الإنزلاق إلى نفس الأخطاء التي وقع فيها السابقون ولعلمتنا كيف تصنع الحضارات وكيف تهدم .. ومن ذلك يمكننا فهم الأهمية التي أولاها الله سبحانه وتعالى للقصص في القرآن الكريم من حيث العدد والتصوير الفني البديع الذي يجعلك وكأنك تشاهد ما حدث رأي العين وما كنت لديهم آنذاك.

ومن تلك القصص التي تحزنني كلما طالعتها هي قصة سقوط الأندلس ، ففي يوم 2/1/1492 أي منذ 520 سنة سقطت غرناطة آخر معاقل المسلمين في الأندلس بعد حضارة عظيمة استمرت لثمانية قرون، كانت فيها الأندلس عاصمة الثقافة والجمال والعلوم ومنارة تهفو إليها الأفئدة من كل حدب وصوب .. ولقد كان في سقوطها العديد من الدروس الواجب تدبرها جيدًا لأننا فيما يبدو نكرر نفس أخطاءنا السابقة ونلدغ من ذات الجحر مرات ومرات

ثلاثية غرناطة، حيث القرَّاء الذين لم يعودوا كذلك

2012-01-01T00:00:00.000+02:00

رواية ثلاثية غرناطة للكاتبة الرائعة والمدهشة رضوى عاشور مش زي أي رواية من اللي ماليين المكتبات والأرصفة لكنها من الأعمال الفريدة اللي وُجدت في الدنيا عشان تعيش للأبد وعشان يعيش قارئها في جنة أحسنت د. رضوى وصفها وتصويرها .. ثلاثية غرناطة رواية بعد ما تقراها مش هاترجع نفس الشخص اللي كنته قبل قرايتها .. وده اللي حصل لي

رضوى عاشور بأسلوبها الأخاذ الجميل شدتني من إيدي ولففتني في شوارع غرناطة وحي البيازين .. طلعت التلة اللي فيها قصر الحمراء ودخلت بيوت أهل الأندلس وعشت معاهم حياتهم بكل تفصيلاتها وكل مواقفها مضحكة ومبكية .. عشت مع جيل الأجداد أبو جعفر وأبو منصور .. اللي كانوا موجودين وقت ما تم حصار غرناطة من ملكي قشتالة وأراجون .. ولما سلم الملك الصغير لهم مفاتيح غرناطة ليبدأ مسلسل الإبادة الجماعية والتطهير العرقي لأهلها زي ما حصل لباقي الممالك الأندلسية اللي سقطت قبلها في إيديهم

شهادة لله | كريم محمد حسن

2011-11-24T15:00:00.001+02:00

بقلم: كريم محمد حسن

بسم الله الرحمن الرحيم له الحمد أن خلق لي عقلا مستقلا قادرا حسب ما أرى على وزن الأمور وفق رؤية بشرية يعتريها ما يعتري كل البشر ، وله الشكر أن حررني من التبعية لأي أيديولوجية اتباعا يحصرني و يجبرني على الدفاع عن مواقف لا أؤمن بها ، و وحده أسأله التوفيق و السداد و أن يلهمني الصواب و اتباع الحق و الرشاد

و أصلي و أسلم على حبيبي رسول الله خير البشر بعثه الله محررا ليضع عنا إصرنا و الأغلال التي كانت علينا ، وداعيا لنبذ عادات الآباء و الأجداد لمجرد الاتباع ،والذي قال " لزوال الدنيا أهون على الله من قتل رجل مسلم "

إزاي تساعد ميدان التحرير ؟

2011-11-22T19:48:00.001+02:00

مش كل الناس قادرة تتواجد في ميدان التحرير أو في أي ميدان فيه اعتصام وثورة لظروف مختلفة ومافيش وقت ولا مجال لذكرها ومش مهمة .. المهم النتيجة .. احنا مش قادرين نكون مع الثوار ونساندهم نعمل ايه ؟

آدي اللي ثـار

2011-11-19T22:33:00.001+02:00

على موقع الباشــ | مدون

من هنا

http://www.bashmodawen.com/2011/11/ady_elly_thar-2/

الأباطرة والحرافيش

2011-11-12T12:12:00.001+02:00

مقالي الجديد "الأباطرة والحرافيش"

ألا تترفق ..؟!

2011-10-04T01:04:00.000+02:00

ها قد جنَّ عليه الليلُ مرةً أخرى ، أتى بسكونه وهدوئه وتأملاته وأسئلته العصية على الجواب ..
أتى إليه كما يفعل يومياً .. ووجده في مكانه كما تركه بالأمس ..
لم يتغير شئ .. الوحدة والغربة جليساه لم يفارقاه ..
الأمل والرجاء يزوراه بين الفينة والفينة .. لابد من باب يُفتح نهاية الأمر .. لا شك في ذلك .. هذا ما يحملانه إليه في كل زيارة ..
أما الليل فلا يحمل معه غير الذكريات وبعض الهموم ..
يجرها وراءه ككلاب حراسة تحرسه طيلة المدة التي يقيم فيها ..
لا يعلم أنها كل ليلة تنهش قلبه المسكين حتى لم يتبقى منه إلا الفتات المتناثر ..
لماذا يجلبها معه ؟!!! ..
هل يحتاج لمن يحرسه بالفعل ؟!! ..
ويحرسه ممن ؟ هذا الضعيف المسكين ؟؟!!

مواقف محرجة :$

2011-09-05T08:42:00.000+02:00

كنت قاعد على تويتر لا بيا ولا عليا .. لاقيت الهاشتاج ده #MwakefMo7rega

قلت اكتب لي موقف ولا اتنين لاقيت العملية سرحت مني خالص وفضلت لوكلوك لوكلوك والتويتات عمالة بتكتر .. لاقيت الأفضل أجمعهم في مكان واحد عشان ما يضيعوش وسط الزحمة

الطعميفوول .. قصة قصيرة

2011-08-16T03:43:00.006+02:00

- " دقيقتان ويبدأ مفعول الطعميفوول .. هل أنت مستعد ؟ "

قلت وأنا أبلع ريقي " نعم .. ولكن هل لي بسؤال ؟ "

قال : " أسئلتك لا تنتهي .. لقد سألت بما فيه الكفاية "

- " أعذرني ولكن كما تعلم هذه أول تجربة لي .. ولم يسبق لي ..."

فقاطعني بحزم " هيا .. اسأل .. ولكنه آخر سؤال .. لا مزيد من الأسئلة "

- " حسناً .. حسناً .. سؤالي هو .. ماذا لو لم تعجبني الرحلة ورغبت في العودة ؟ "

قال " العودة ليست اختيارية .. لن ترجع متى شئت .. المسألة تتعلق بانتهاء مفعول الطعميفوول على عقلك الباطن .. وكما أخبرتك من قبل لا وقت محدد لهذا المفعول .. إنه يختلف من شخص لآخر حسب تفاعل خلايا المخ مع المركب .. قد ينتهي التفاعل بعد ساعة وقد يمتد ليوم كامل وقد تستغرق الرحلة أسبوعاً لكن ليس أكثر من ذلك .. " .. ثم نظر في ساعته وقال " ثوانٍ قليلة ونبدأ .. رحلة سعيدة سيدي "

إزاي ننصر اخواننا في سوريا عن طريق تويتر ؟

2011-08-11T14:24:00.005+02:00

السلام عليكم ورحمة الله وبركاته

كل سنة وأنتوا طيبين ورمضان كريم والسنة الجاية نشوفكوا في أي حتة D:

أنا عامل البوست ده عشان اقولكم إزاي ممكن ننصر اخواننا في سوريا عن طريق تويتر

دلوقتي كلنا شايفين المجازر اللي بيعملها بشار في سوريا واحنا في شهر كريم زي رمضان وازاي هناك ناس محرومين من نعمة الأمن .. وبنشوف جرائم ضد الإنسانية في الصور والفيديوهات اللي بتتنشر على النت

الماتريال يا شيخ !

2011-08-02T18:03:00.002+02:00

الأول كده كل سنة وأنتوا طيبين

ورمضــان كريـم

وندخل في الموضوع علطول عشان أنا كنت كاتب كلام كتير وطار كله من غير ما احفظه @:

اليومين دول باقرأ في كتاب لأحمد بهجت اسمه "مذكرات صائم" وهو عبارة عن ملاحظات وتأملات للكاتب عن أفعالنا سواء في رمضان أو غيره .. وبيسلط الضوء على حماقات كتيرة تقريباً كلنا بنعملها

الكتاب ممتع جداً وطول ما أنا باقرأ فيه باطلع منه مقتطفات حلوة وباشاركها مع أصدقائي على فيس بوك

خواطر على أبواب النهـاية

2011-07-01T20:51:00.001+02:00

منذ عدة أسابيع عندما أدركت أني على وشك الانتهاء من آخر مراحل الدراسة والخواطر ما برحت تتكاثر في نفسي غير مكترثة بما تحدثه في القلب !

هل حقاً سيحدث هذا ؟

لقد طال بي الأمد في هذا الطريق حتى ظننت أن لا نهاية له أو أني سأهلك قبل أن أبلغها !

إن كلمة النهاية لها وَقعُها الصعب على النفس وعندما تُذكر فإنها تستدعي كلمات أخرى كالوداع والرحيل والفراق لتُشَكِلنَّ العُصبةَ أولي القوة من الأحزان التي تنهش في القلب وتُفَتِتَهُ فيصبح هشيماً تذروه الرياح !

نِعَمٌ لا تُحصَى (2)

2011-06-19T21:07:00.001+02:00

في الجزء الأول من سلسلة نِعَمٌ لا تُحصَى والتي تحدثت فيها عن نعمة الصوت التي يغفلها الكثيرون ذكرت أن الواقعة الرئيسية التي نبهتني لهذه النعمة الغالية كانت قافلة رسـالة الرمضانية ، والحقيقة أنني خلال مدة تطوعي في هذه الجمعية المباركة تنبهت إلى العديد من النِعَم المنسية في خضم المشاكل والاهتمامات الحياتية اليومية لكل فرد فينا ، اليوم اكتب لكم للحديث عن نعمة أخرى قد لا تنتبه إليها مثلما كنت أنا !

رسالة من مواطن جاهل

2011-06-04T00:32:00.003+02:00

للناس اللي عايزة تأجيل انتخابات أو دستور الأول أو مجلس رئاسي مدني أو بمعنى أصح رفض نتيجة الاستفتاء

عاوز منكم شوية اجابات

مما جنته عليّ أفكاري

2011-05-31T00:10:00.002+02:00

من دفتر يومياتي

الاتنين 30/05/2011

* النهاردة كان آخر يوم في الدراسة وكنا عاملين حفلتين واحدة لأسرة Contact والتانية بتاعة اتحاد الطلبة

* يوم من أجمل الأيام اللي عدت عليا في الـ 5 سنين كلهم

انتبه من فضلك ، الثورة ترجع إلى الخلف

2011-05-19T00:09:00.002+02:00

ده رأيي الشخصي في اللي بيحصل وكل اللي باطلبه من سيادتك إنك تقرأه للنهاية وتفكر فيه بعقللك قبل ما تقدم على أي فعل ، حتى لو لاقيتني مختلف معاك في الرأي ، اشتري مني وخدني على قد عقلي

هبوط ثوري

2011-05-16T23:43:00.004+02:00

(1)

من منطلق أن آرائي السياسة لا غنى عنها وحيث أنني أعلم مالا تعلمون ولدي إدراك ببواطن الأمور التي - للأسف - قد لا تبدو واضحة لكم فانصتوا جيدا لما أقول وأحدثكم حديثاً فاحفظوه

ما اكتبه واقوله هو الحقيقة المطلقة كما تعلم ، فإن حدث وأخطأت فهم مقصدي فهذا لأنك أولته بطريقة خاطئة وأخرجته عن سياقه

ماذا تقول ؟

أنا الذي أخطأت ولم استخدم الأسلوب الصحيح لتوضيح رأيي ؟

أنا أخطئ ؟؟؟

هل تشك في كلماتي ؟؟؟؟

أنت إذن من أذناب النظام البائد وفلول الحزب الوطني .. لاشك في ذلك

من فضلك دعني ولا تحاول إثنائي عن عزيمتي فأنا لا ألتفت إلى محاولات النيل مني هذه

فالكلاب تعوي والقافلة تسير

نِعَم لا تُحصى (1)

2011-04-29T00:42:00.005+02:00

ِلما كنا في ابتدائي كان فيه جمل بنقراها على ضهر كتب المدرسة زي " العقل السليم في الجسم السليم " و " النظافة من الإيمان " و " الصحة تاج على رؤوس الأصحاء لا يراه إلا المرضى "

خلينا في الجملة الأخيرة اللي مفهمتهاش من أول مرة .. يعني فيه تاج على راسي دلوقت وأنا مش شايفه ؟!!

لما كبرت عرفت إن احنا عندنا نعم كتيرة أووي بس مش بناخد بالنا منها غير لما نحس إنها هاتروح مننا خلاص
أو زي ما بيقول ابن القيم : " النعم ثلاثة : نعمة حاصلة يعلم بها العبد .. ونعمة منتظرة يرجوها .. ونعمة هو فيها ولا يشعر بها "

خالد -أكيد- سعيـد

2011-04-14T05:26:00.001+02:00

أصدقائي الكرام .. قبل أن أبدأ في الكتابة اسمحوا لي أن أشكركم كل الشكر على زياراتكم المستمرة للمدونة واعتذر منكم على عدم زيارتي لمدوناتكم أو حتى التفاعل مع الردود والتعليقات .. حقيقة أشعر بالحرج البالغ من "قلة الذوق" هذه كما أن تكرار نغمة الشكر والاعتذار مع استمرار زياراتكم لهو سبب رئيس في زيادة هذا الحرج لكن صدقوني ما باليد حيلة ولعلكم قرأتم المقال الأخير ويكفي أن انوه بأن الكركبة مستمرة بل هي في ازدياد مطرد

لن أطيل في المقدمة أكثر من هذا وسأنتقل مباشرة إلى لب الموضوع

كراكيب فكرية

2011-03-26T13:55:00.001+02:00

وأنا باكتب التدوينة دي افتكرت مقال كتبته زمان اسمه كراكيب

لما فتحته اكتشفت إني كنت كاتبه من سنتين بالظبط ، بصراحة متخيلتش إن الوقت بيجري بالشكل ده

والغريبة إني كتبته في شهر مارس بردو وكأن ده شهر ظهور الكركبه المتكومة طول السنة

وبما إن المقال اللي فات كان أغلبه كراكيب مادية فالمرادي الكلام عن كراكيب فكرية

no title

2011-03-19T03:39:00.000+02:00

صباحكم سكر :)

عندي خبر جميييييييل ...

آخر تدوينة كتبتها ( رأيي في التعديلات الدستورية ) اتنشرت في المصري اليوم ^_^

آه وربنا :D :D

http://www.almasryalyoum.com/node/362087

ودي هدية الاستفتاء

الـ[ـنعمـ]ـــ[ـلاء] ات الدستـوريـة

رأيي في التعديلات الدستورية

2011-03-15T23:36:00.001+02:00

أصدقائي القراء ،

أكتب إليكم اليوم لأن صوتي أصبح - مثلكم - له قيمته ووزنه في تشكيل ملامح الحياة السياسية المصرية في المرحلة القادمة ، ولذلك كان لزاماً عليّ أن استمع بإنصات شديد لكل الآراء ، والتفكير بها والمفاضلة بينها والبحث عن إجابة للأسئلة المطروحة حولها ، وقد شغلت نفسي طيلة الأسبوع الماضي بالتعديلات الدستورية بين قراءة للجرائد والتصريحات والتدوينات ومتابعة للقاءات التليفزيونية وحضور للندوات المعنية بالموضوع ومناقشات حية وإليكترونية مع أصدقائي ومن لا أعرفهم أحياناً في المواصلات العامة كي أخلص إلى قرار نهائي اقتنع به واستعد لتحمل تبعاته .. واكتب إليكم الآن بعد قدومي من ندوة للمستشارة تهاني الجبالي نائب رئيس المحكمة الدستورية العليا

د/ جمال حمدان يتنبأ بالثورة

2011-03-04T22:48:00.001+02:00

د/ جمال حمدان .. أشعر أن اسمه كافياً لوصفه .. العالم المصري العبقري الذي لم نقدره حق قدره .. صاحب موسوعة شخصية مصر الرائعة .. لم يتوقف عند تحليل الأحداث الآنية أو الظواهر الجزئية، وإنما سعى إلى وضعها في سياق أعم وأشمل وذو بعد مستقبلي أيضا .. تنبأ بسقوط الاتحاد السوفيتي فسقط .. وبأن تتخذ دول الغرب من الإسلام عدواً لها ففعلت .. أما هذه الأيام فتكشف عن تحقيق لنبوءته بالثورة على أنظمة الحكم الفرعوني في مصر وإليكم ما كتبه في بداية الثمانينات :

عن الفريق أحمد شفيق

2011-03-04T15:25:00.000+02:00

رأيي باختصار في الفريق أحمد شفيق وحكومته :

- لقد كنت من المطالبين بإسقاط حكومة الفريق أحمد شفيق

- ليس ذلك بسبب شخصه فعلى المستوى الشخصي أكن له كل الاحترام والتقدير

- عندما أسندت إليه مهمة تشكيل الحكومة تفائلت به خيرا

- عندما تابعت تصريحاته ولقاءاته ازداد احترامي له

- لم اطالب بإسقاطه لكونه جزءً من نظام مبارك لأني ضد التعميم وقد يوجد أشخاص صالحون في أنظمة فاسدة ومن هؤلاء كان سيادة الفريق

- لكن هناك بعض السياسات التي قام باتخاذها اعتبرها خاطئة جدا مثل الابقاء على وزراء الخارجية والداخلية والعدل والبترول رغم عدم القبول الشعبي لهم وقطع إعادة برنامج حواري بالتليفزيون .. أضف إلى ذلك الأنباء اليومية عن حرق وفرم ملفات فساد ومستندات تدين شخصيات عدة في النظام الساقط في وزارة الداخلية تارة وفي الجهاز المركزي للمحاسبات تارة أخرى وفي ديوان رئاسة الجمهورية أيضا دون تدخل صريح لوقف هذه العمليات .. مع عدم اتخاذ اجراءات احترازية تجاه كل من صفوت الشريف وزكريا عزمي وفتحي سرور ومفيد شهاب وغيرهم

- كل هذا لا ينقص من شخص الفريق أحمد شفيق وسأظل اذكره بالخير ما حييت ولا يمكن لكائنا من كان أن يمحي تاريخه المشرف وإنجازاته العظيمة

- نبذة عن أحمد شفيق رئيس وزراء مصر الأسبق ( تقرير من BBC )

بس كده :-)

عيب !

2011-03-01T11:02:00.004+02:00

مرحباً بك صديقي القارئ .. منذ ثلاثة أشهر قمت بنشر قصة " أحمر .. أصفر .. أخضر " على صفحات المدونة .. طفل في أولى سنواته الدراسية ، لا يستطيع نطق حرف الراء بطريقة سليمة ، حاول المعلم الفظ بكل وحشية أن يقيم إعوجاج لسانه فزاد الأمر سوءً وربَى لدى الطفل خوفاً وإنطوائيةً لازماه مدة طويلة من الزمن ... لعلك تتذكرها الآن

لقد لاقت القصة نجاحاً كبيراً لم أتوقعه لدرجة أن أشاد بها الروائي د/ أحمد مراد صاحب " الزلزال " و " رجل أمن دولة " و " بودنوفيسك " و " ملائكة وذئاب " وغيرها من الروايات الرائعة .. كنت أراقب ردود الأفعال تجاهها حتى توصلت إلى استنتاج " أعظم الأعمال الأدبية هي التي تولد من رحم تجربة مريرة " .. لا أدعي أن القصة عظيمة جدا إلا على مستوى كتاباتي أنا فقط فهي نكره إذا ما قورنت بأي عمل آخر لكتاب آخرين

مشروع محو الأمية + كشف المستور عن مادة 2 في الدستور

2011-02-21T01:43:00.001+02:00

بسم الله

صباح / مساء الحرية ضيوفي الكرام ،

أولاً : اعتذر عن قلة زيارتي لمدوناتكم + عدم كتابتي لأي شئ خلال هذه الفترة ، لأنها - في رأيي - فترة أو مرحلة للعمل أكثر منها للكتابة وبخاصة بالنسبة للكتاب الهواة أمثالي ، وهو ما يقودني لثانياُ ...

ـــــــــــــــــــــــــ

سيناريو الثورة المضادة .. انتبه من فضلك !

2011-02-17T04:55:00.004+02:00

بقلم : محمد علم الهدى

http://www.sulta4.com/index.php?page=Articles.php&EditorID=66&ID=1199

فى كل الثورات المنتصرة .. هناك ما يسمى بالثورة المضادة .. و يقوم و يخطط لها عدد من اتباع الحاكم المستبد المخلوع و المستفيدين منه و أعوانه

و أحيانا قد تنتهز الفرصة و تنجح مثلما حدث فى حالة الثورة الفرنسية فى احدى مراحلها .. و مثلما حدث فى الثورة المضادة على ثورة مصدق فى ايران عام 1951 و التى نجحت الى حد اعادة شاه ايران مرة أخرى وقتها بالشكل الذي جعل الشاه وقتها يقول ل" كيرميت روزفلت " ( ممثل المخابرات الامريكية ) :" إنني مدين بعرشي الى الله ثم الى شعبي ثم اليك " و كان صائبا فى الجزء الأخير فقط !

هذه الثورة المضادة كان لها محاولات ايضا فى تاريخ مصر , و كلنا نعرف ما حدث ايام العدوان الثلاثي على مصر ( 1956 ) عندما اجتمع عدد من الباشوات ( من أتباع النظام الملكي البائد ) ليحاولوا الاتصال بالسفارة البريطانية - اثناء الحرب و يعرضوا أنفسهم للحكم كبديل عن عهد عبد الناصر و ووصلت الاتصالات الى حد بدء الباشوات فى تشكيل حكومة من شدة ثقتهم فى انتصار بريطانيا و فرنسا و اسرائيل و سحقهم للقوات المصرية و المقاومة الشعبية فى بورسعيد , لكن ذلك لم يحدث و انقلب السحر على الساحر

هدايــا

2011-02-13T01:48:00.002+02:00

في الحقيقة كتبت كثيراً ثم وجدت أن ما اكتبه رديئاً للغاية لا يليق بمقام المكتوب عنه

لذلك سأكتفي ببعض الهدايا بينما استمتع أنا باستنشاق الحرية ، ذلك المصطلح الغامض الذي لم نعرفه قبل الآن

خَلايا تَقطُرُ شَهداً
http://khalaia.blogspot.com/

تاريخ الإنشاء 1-1-2011

تاريخ النشر 13-2-2011

بنك أفكار للنهوض بمصر .. فرصة لتحقيق أحلامنا ونخلي بلدنا أحسن بلد في الكون

http://www.facebook.com/event.php?eid=188266261195922

أفكار لدعم الثورة

http://www.facebook.com/photo.php?fbid=189178261115389

من طرائف الثورة المصرية

2011-02-06T01:35:00.005+02:00

كعادته في كل أمور حياته يستطيع الإنسان المصري أن يتغلب على همومه وأزماته بالضحك فهو ابن نكته بطبعه حتى عندما ثار وهاج وبلغ غضبه عنان السماء تراه يجلس بين الفينة والأخرى وسط آلامه وأوجاعه يستعيدها ويسجل ملاحظاته الطريفة على هامش صفحاتها وبهذا يستطيع الحياة

من بين هذه الملاحظات أنتقي لكم بعضاً مما صادفني في تويتر وفيس بوك وغيرهما

ليك في الأجندات ؟

2011-02-06T01:19:00.002+02:00

للرد على التليفزيون المصري

المصدر

http://masr.ws/post/3122113903

يا جماعة، حرام… الأشغال واقفة والمدارس والجامعات واقفة… إحنا قاعدين في بيوتنا مرعوبين… مفيش أمان والرجالة واقفة طول الليل تحرس بيوتها… ومحدش عارف ينزل من بيته… الناس مش عارفة تقبض…. الناس مش لاقية تاكل…الاقتصاد بيروح والاستثمار بيروح…. والسياحة بتتضرب والبورصة وقعت…. أنا بشتغل باليومية كل يوم 15 جنيه، أجيب منين أنا؟… أنا أهلي عايشين بره وحيموتوا من القلق علي… أنا صاحبي مات إمبارح وهو واقف بيحرس العمارة… إنتوا عايزين إيه؟ عايزين تخربوها؟ حرية إيه ودستور إيه؟ المهم الاستقرار اللي هو عماد أي دولة… وبعدين يعني يرضيكم الراجل في السن ده وهو الرئيس والأب يمشي من غير كرامة خصوصاً بعد كل اللي عمله للبلد في الحرب؟ فضحتونا في الفضائيات وخليتوا الدول كلها تشمت فينا… استمعوا لصوت العقل وارحمونا بقى…..صح ولا إيه؟
إيه… مسمعتوش؟ أيوة… إيه، وستين إيه كمان…. بالراحة بس… اقروا لحد الآخر… زي إخواتكم
ممكن ناخد كل الشكاوي دي واحدة واحدة؟

على هامش الثورة التونسية

2011-01-14T23:09:00.004+02:00

تحيةُ إجلالٌ وإكبارٌ للشعب الأبي ، الشعبُ الأقوى من جلاديـه

شعبٌ أراد الحياة

فاستجاب القـدر

لقد أعطى الشعب التونسي درساً للعالم أجمع وعليه أن يعيه ، علّمنا أن الحريــة غالية الثمن ، تُفدى بالروحِ والدمِ فعلاً لا قولاً ، فالضعفاء والحمقى فقط هم من ينادون بالحريةِ ويكتفون بالنداء وينتظرون أن تهبَهم إياها الأنظمةٌ المستبدة ، أما الأحرار فهم مَن يصنعونها

بعث الشعبُ التونسي برسالةٍ للمتجبرين في الأرض مُفـادها أن لكل ظلمٍ نهاية ، ولكل طاغيةٍ نهاية .. وأن لصبر الشعب حداً متى بلغه انفجر بركان الغضب وعندها لن ترضيه المهدئات والحلول المؤقتة .. لن تقف عصا الأمن الغليظة في طريقه .. لن تنال النيران من حـريته وإن نالت من أجساد بنيه .. وعندها فقط ستضطر قادته إلى الانصياع لإرادته الحرة ..

لقد حذّر جحافلَ المنافقين والموالسين أن لن ينفعهم نفاقُهم ، لن يصحبهم زين الهاربين في طائرته بل سيتركهم لشعوبهم التي طالما كذبوا عليها وزوّروا الحقائق بقصد تضليلها ، سيحاكمهم الشعب على هذا وحتماً سينالون جزاءهم

تدوينة العزة في ذكرى حرب غزة + حصاد 2010

2010-12-31T20:29:00.002+02:00

أنا لن أحيد لأني بكل إحتمال سعيد

مماتي زفافٌ و محياي عيد
سأرغمُ أنفكَ في كل حين
فإما عزيزٌ و إما شهيد
أحمد مطر

Tag ليه أنا مدون ؟

2010-12-16T02:53:00.000+02:00

كنت أقرأ باستمتاع اجابات الأخت الفاضلة كلمات من نور على أسئلة الواجب التدويني " ليه أنا مدون ؟ " وفجأة وجدت اسم مدونتي في القائمة الجديدة للواجب

" لقد وقعنا في الفخ ، فماذا نحن فاعلون ؟ "

" نأخذ من كل رجــل قبيــــــــلة "

لا أجيد الحديث عن نفسي لذا سأستدعيها لتتحدث هي

ملحوظة : " نفسي لا تتحدث بالفصحى "

أحمر .. أصفر .. أخضر

2010-12-08T23:26:00.003+02:00

لم تحضر المُعلمة اليوم ، لا يعرف الصغار من يحل محلها ، هو لا يكترث ، أخرج كراسته ووضعها أمامه كما فعل مع بقية أدواته ; القلم الرصاص والممحاة ، مرت الدقائق حتى دخل عليهم رجل ضخم الجثة ، قوي البنيان ، هيئته أقرب ما تكون للرجال الأشرار الذين يشاهدهم هذا الصغير على شاشة التلفاز يضربون الناس ويكيدون لهم المكائد

هذه أول مرة تغيب فيها السيدة اللطيفة الحانية الرؤوم ، مهمتها صعبة بلا شك ، تعليم النشء كيف يمسك القلم ليكتب أولى كلماته

نادى بصوت جهوري : " افتحوا الكراسات واكتبوا ما اكتبه لكم على السبورة " .. ثم راح يخط بالطباشير ثلاث كلمات : أحمر .. أصفر .. أخضر

ضحكٌ كـ البُكا

2010-11-30T04:45:00.003+02:00

ملحوظة قبل أن تقرأ: قد لا تجد ترابطاً بين الكلمات المكتوبة فقد جاءت تعبيراً عن مشاعر متضاربة أرادت أن تخرج في أي شكلٍ كان ، فكان ما كان

في المقال الذي كتبه بلال فضل صباح يوم الأحد الماضي والذي عنون له بـ " غثيان " حيث أعاد نشر مقال رائع بنفس العنوان لأحمد خالد توفيق - مع حفظ الألقاب لكلا الكاتبين الكبار - كتب " لا تتوقع منى أن أكتب اليوم عن الانتخابات فأنا للأسف لست متخصصا فى النقد المسرحى " .. أؤكد أنه أبدع في اختيار هذا التشبيه وسأحاول أن أعرض لكم بعض مشاهد تلك المسرحية مؤكداً أن لا اختلاف في الأمر

البتـاعة في البتـاع

2010-11-27T00:38:00.004+02:00

لقد انقضى قرابة الشهر منذ عقدتُ النية على المشاركة في حملة مدونات في الميزان والتي قامت بتدشينها د / سونت - مدونة شئ بقلبي ولكن تزامن ذلك مع دخول الشتاء والدراسة جعل الكسل سيد الموقف
ولأنه بقدوم يوم السبت 27-11-2010 ( اليـوم ) تكون مدونة البتـاعة قد أتمت عامَها الثاني على الانترنت وعلى أعتاب الدخول في العام الثالث للتدوين ، أي أن المدونة الآن في مرحلة المشي الحثيث ونطق بعض الكلمات ، بالتأكيد لا يمكن فطام المدونة وإلا لسارعتُ لعمل ذلك
ومن هنا رأيتُ أنه من الأفضل عمل موضوع واحد يشمل ذكرياتي تجاه المدونة بجانب نظرتي لها وتقييمها وبذلك أكون كمن ( دخل ده في ده أكنه معملش حاجة )

طرائف الاشتغالات في يفط الانتخابات

2010-11-16T04:01:00.004+02:00

بسم الله الرحمن الرحيم

( فقلنا اضرب بعصاك الحجر فانفجرت منه اثنتا عشرة عينا )

صدق الله العظيم

هذه هي الآية التي اتخذها مرشح مجلس الشعب شعارا له

ولعلك تتعجب مثلي وتتساءل عن الحكمة وراء ذلك

ورغم أن المثل المشهور يجزم بأنه ( إذا عُرِف السبب بَطُل العجب ) فإن تعجبي لم يبطل بمعرفة السبب بل زاد

فيلمي الجديد .. قريبا

2010-11-04T14:52:00.006+02:00

لماذا تتعجب من العنوان أيها القارئ العزيز ؟ هل تظن أني لا استطيع فعل ذلك ؟

فالحكاية بسيطة جدا ، لا تحتاج لموهبة فذة ، فقط بعض الذكاء الذي يمدك بفكرة جديدة تضيفها على تفاصيل ثابتة وراسخة هي العون والمرجع لمن يحاول تأليف قصة تصلح لتتحول إلى فيلم عربي

أمازلت متشككا من قدرتي على ذلك ؟ حسنا ، سأحكي لك بعض التفاصيل من قصتي التي ستحتال فيلما عربيا رغم أن شركات الانتاج ستعارض ذلك ولكن لا تقلق فأنت أهم عندي ، أما شركات الانتاج فيمكنني التعامل معها بتغيير النص أو ما شابه ...

أفلا يتدبرون ...!

2010-10-22T15:10:00.004+02:00

لا حاجة لي بالتأكيد على أن المرء لا يستطيع الحياة بلا هوية ولا دين ولا فكر وإلا لاستحال جمادا بل أضل سبيلا ، حسنا إذن هي من نواميس الحياة أن تنتمي لعدة جماعات على اختلاف التصنيف لابد أن تكون مسلما أو مسيحيا أو يهوديا أو بوذيا أو حتى ملحدا.. من الطبيعي أن تجد المصري والألماني والياباني والسوري والليبي والكندي والاسترالي والنيجيري .. إلخ . لا تتعجب بالتأكيد أن هناك الرأسمالي والاشتراكي الماركسي ، تجده مسلما ولكنه إما شيعيا أو سنيا أو صوفيا ، وقد يكون مسيحيا لكن أرثوذوكس أو كاثوليك أو انجيلي ... حتى في غير موضع ترفيهي تجد الأهلاوي والزملكاوي والعمراوي والتمراوي .. لابد أن يتبع الانسان مذهبا ما يؤمن بمبادئه ويجد المتعة في الاحتماء به والذب عنه إن لزم الأمر.

يجتمع أهل كل مذهب يتعارفون بينهم ويتناقشون في أمورهم ويحلون مشاكلهم فتحدث بينهم الألفة والمودة ( وجعلناكم شعوبا وقبائل لتعارفوا ) ، ثم يبدأ أهل كل مذهب في التعرف والتقرب للمذاهب الأخرى كي لا ينغلق على ذاته ، فيجد أنه حتى في الاختلاف لا الخلاف رحمة للبشرية وهو ما تحقق بقوله تعالى ( ورحمتي وسعت كل شئ ) فيصل بالمعرفة والعلم إلى وجود مسبب كل هذه الأسباب ومن جعلنا شعوبا وقبائل رحمة بنا ، فيزداد حبه له ويتقيه خشية مخالفة أمره جل وعلى ( إن أكرمكم عند الله أتقاكم )

قصاصات أخرى

2010-10-08T18:58:00.004+02:00

قصاصات أخرى ، سبق أن نشرتها فرادى على صفحة المدونة على الفيس بووك ، فرأيت من الأفضل جمعها في تدوينة واحدة

‎" طالما أن هناك من ينبهني بلطف عندما أخطئ ، فأنا على ما يرام "

" سيحكي التاريخ عن بلد تصدر الغاز لأعدائها بثمن بخس بينهما يعيش سكانها في الظلام .. مؤكدةً بذلك أن الذين يؤثرون على أنفسهم ولو كان بهم خصاصة مازال لهم وجود!!"

الدابلون ، والتوظيف ، وحوارات آخرى !

2010-10-06T00:01:00.006+02:00

هل تعرضت لموقف جعلك تظن أنك بطل حلقة " الكاميره الخفية " أو ما يعرف ببرامج المقالب ؟

- بالنسبة لي فالأمر يتكرر كثيرا ، أجد نفسي في أحداث عجيبة غير منطقية فاعرف على الفور أن هناك من ينصب لي الفخ ومن ثم أظل ابحث هنا وهناك عن الكاميره " المستخبية " .. ثم أفاجأ أن لا شئ في الأمر وإنما ما حدث أصبح طبيعيا ومنطقيا ..!

آخر مره تعرضت لذلك كانت ليلة أمس ، خرجت مع صديق لي وذهبنا إلى "وسط البلد" ، وأثناء مرورنا بإحدى المكتبات دخل هو ليبتاع له بعض الحاجيات ، أما أنا فمكثت غير بعيد أراقب واجهات المحلات والسيارات السياره في الطريق والأصوات التي تعلو وتتداخل مع بعضها حتى قطعها صوت شاب يرتدى جلبابا بني اللون : " كابتن ؟ "

قصاصاتي المستحقة للحرق

2010-09-21T23:57:00.002+03:00

* تعلم أن الأرض كروية وأنها تدور حول محورها وحول الشمس .. هذا جيد .. لكن هل تخيلت نفسك أثناء دوران الأرض في الجزء الجنوبي للأرض حيث تقف ( بالمشقلب ) قدميك لأعلى تجاه الأرض ورأسك للأسفل تجاه الفضاء الكوني .. إن تخيل مثل هذه الفكرة يصيبني بالدوار

* هل تراودك تلك الأسئلة السخيفة التافهة التي لا تجد لها أجوبة مثل لماذا يطلق الأطفال على الماء لفظ " إمبو " ؟ .. أو لماذا يدعي أحدهم للميت بأن " ربنا يبشبش الطوبة اللي تحت دماغه " فطالما أنها تضايقه بهذا الشكل لماذا وضعوها من الأساس ، ربما كان من الأفضل وضع مخدة أو شئ من هذا القبيل .. ما معنى "وحوي" وإلام ترمز "إيوحا" ؟

ولا بد من يوم معلوم ، تبدأ فيه الدراسة

2010-09-15T04:31:00.002+03:00

أيام وتنتهي أجمل أيام، وتبدأ الدراسة

ولا أظنني سأنتظم في التدوين ومتابعة المدونات ( قال يعني كنت منتظم في الاجازة )

أهم سبب يحببني في الأجازة الصيفية هي أني أفرّغ فيها شحنات اهتماماتي الكثيرة والتي تضيق بها أيام الدراسة ذرعاً

أنا متطوع ، إذن أنا موجود

2010-09-11T20:31:00.001+03:00

الانسان خليفة الله في أرضه ، خلقه كي يعبده ويعمّرها .. بالتأكيد أنت تعرف هذا .. أنا أيضا سمعت هذا الكلام كثيرا وقرأته أكثر .. ولكني لم أعايشه إلا عندما تطوعت في هذا الصرح الشامخ " رســالة " حيث وجدت الفرصة سانحة لعمل الخير بشتى ألوانه

تعودنا أن نقرأ ونسمع ونكتب ونتحدث عن النهضة .. كيف السبيل إليها وكيف صرنا إلى ما صرنا إليه .. ومن المسئول عما آلت إليه أحوالنا .. وتشعبت بنا المواضيع آخذةً في التعمق والتحليل والمتابعة والدراسة أحيانا حتى توصل الكل إلى القاعدة الأولى

ابعد اللصوص عن مدونتك

2010-08-20T23:19:00.001+02:00

البتــاعة دي بقالها ييجي سنتين ، عمري ما تخيلت انها ممكن تتسرق ، أو إن حد يدخل ياخد قصة مثلا ويحطها في منتدى ، أو ياخد مقال ويعدل عليه بحيث إنه يطمس معالمه الاولى ويحوله لمقال هو اللى كاتبه وتعب فيه ، والناس تدخل تشكر فيه وتقوله أنت مبدع ومعرفش ايه ، وهو بكل تواضع يقولهم نورتوني وكلامكم ده هو اللي بيشجعني ع الاستمرار ..

عايز اعرف هو فيه ناس بالبجاحة دي !!

واللي مضايقني أكتر إنه بيسرق من مدونتي .. يعني حرامي وذوقه وحش كمان !! ده ايه البلاوي دي

ديفوهات !

2010-08-17T15:57:00.001+02:00

لاحظت قبل كده منظر الحقول والأراضي الزراعية وانت راكب طيارة ؟

ها ؟ طيارة ايه !! ما علينا جرب تفتح

Google Earth

وتبص على أرض زراعية من بعيد كده وانت هاتفهم قصدي

هتلاقي مربعات أو مستطيلات بتختلف في درجات اللون الأخضر الجميل

وممكن تلاحظ ده وأنت معدي بالعربية على طريق زراعي

لكن جرب تدخل بنفسك جوه الأرض دي

وداعــاً

2010-08-11T17:54:00.001+02:00

قصيدة كتبتها منذ عامين فأكثر وأنشرها الآن فقط

سأرحل ربما الآنا
واترككم يا خلاني
فإن الموت قد حانا
وما للعمر من ثان
سأترك هذه الدنيا
فمالي فيها من شان
ولكن قبل أن أرحل

سلام يا عنتر !

2010-07-20T06:30:00.002+03:00

كان أحدهم يروي حادثا طريفا تعرض له مذ زمن قريب .. ونحن نستمع بانصات شديد .. تعلو وجوهنا تلك الابتسامة التي تظهر عليك عندما تقابل أحد الأصدقاء القدامى وتستأنس بحديثه الذي افتقدته طيلة لحظات غيابه .. وبينما نحن جلوس على هذه الحالة إذ بكرةٍ تتدحرج من أقدام هؤلاء الأطفال الذين يلعبون بجوارنا لتصل إلى قدمي وتستقر عندها ...

جاء أحد الأطفال ليأخذها .. يبدو أنه أكبرهم سنا .. وأطولهم قامة .. وأضخمهم جسما .. عندما تراه لا يخطأ ظنك في إعاقته الذهنية التي تتجلى بوضوح على حركاته وملامح وجهه وأخيرا طريقة كلامه !

عن مولد البهبوهي ، أتحدث

2010-07-15T14:57:00.001+03:00

السلام عليكم ورحمة الله وبركاته

طبعا قرأتم قصة " مولد سيدي البهبوهي "

لمن لم يقرأها أرجو أن يقرأها أولا قبل أن يقرأ هذا التعقيب

مولد سيدي البهبوهي : الحلقة الأولي

http://beta3a.blogspot.com/2010/07/1.html

مولد سيدي البهبوهي : الحلقة الثانية

http://beta3a.blogspot.com/2010/07/2.html

مولد سيدي البهبوهي : الحلقة الثالثة والأخيرة

http://beta3a.blogspot.com/2010/07/3.html

في خلال عرضي للقصة لاحظت بعض التساؤلات والاستفسارات وأحيانا بعض التحفظات ، لذلك قررت أن انشر هذه التدوينة للاجابة عليها

مولد سيدي البهبوهي 3

2010-07-11T15:52:00.001+03:00

- ايييييه ؟ نلغي البهبوهي ؟؟ أنت أكيد اتجننت ..

- ليه ان شاء الله ؟ يعني هو اللي بيحصل ده مش جنان !!

- بالعكس ده عين العقل ، فكره طبقناها ونفعت البلد

- بعد الجرايم اللى حصلت وبتحصل كل شوية من سرقة وتجارة مخدرات وخطف وي وي وي .. ده غير البلاوي التانية اللى بتحصل واللى فيها شرك بالله وتقولي عين العقل .. طب إزااااي فهمني ؟

- ماللي قولته ده كله بيحصل في الدنيا كلها مش عندنا بس ، عندك بلد زي ( النشالين ) بيسرقوا حتى جزم بعض في الجوامع ومعندهمش بهبوهي ، بلد ( الشمامين ) مليانة بودرة وحشيش وبانجو وماكس وكل اللي نفسك فيه من غير بهبوهي ولا حاجة وعندك ...

مولد سيدي البهبوهي 2

2010-07-08T17:16:00.001+03:00

لقد تغيرت الأحوال كثيرا بعد عودتي لموطني ، لم أكن أصدق ما يقولونه عن الغربة وعن تغييرها لطبائع الناس وتفكيرهم .. الغربة تعطيك تجارب عديدة لا تقدر بمال ، إنها تعلمك كيف تساير الحياة بما لديك من إمكانات وإن كانت محدودة ، تكشف لك عن خصال نفسك جميلها وقبيحها ، فالإنسان يتصرف على سجيته في بلد لا يعرفه فيها أحد وهو يحرص كل الحرص أن يبقى هكذا لا يعرفه أحد ، اعتقد أن هذا مبرر مقبول لارتدائه الأقنعة بينما هو في قومه

مولد سيدي البهبوهي 1

2010-07-04T02:57:00.007+03:00

نظر إلي مستغربا ومستوضحا : بتتكلم بجد ؟

فجاوبته : وفيها ايه ؟ تعالى نجرب .. أنت عارف بلدنا أسهل حاجه فيها انك تطلع اشاعه .. وانت راجل بتاع فيزيا وعارف ان اينشتين في نظرية النسبية قال انك لو مشيت بسرعة الضوء الزمن بيتوقف .. ولو زودت عن كده الزمن بيكون بالسالب يعني ممكن ترجع بالزمن لورا .. وأنت بردو عارف كويس ان الاشاعة في بلدنا بتكون أسرع من الضوء يعني هاتخلي الناس يرجعوا بعقولهم لعصور التخلف .. وهم مش محتاجين يرجعوا كفاية التخلف اللى هم فيه

قال لي : بس افرض الناس استحليت الموضوع

- ياسيدي هو احنا دافعين حاجه من جيبنا

- على رأيك

استراحة

2010-07-01T22:38:00.001+03:00

يمكن من كتر ما بسافر ولطول مدة السفر في الغالب هتلاقوا اكتر الافكار اللى باكتب عنها جاتلي أثناء السفر ، يمكن عشان باكون لوحدي فباقفل على نفسي باب نفسي واسرح بخيالي في كذا حاجة وكنت وضحت كده في بوست قديم اسمه وأنا مسافر

النهاردة عايز اتكلم عن حاجة متعلقة بالسفر بردو وفي نفس الوقت بمناسبة انتهاء الامتحانات وبدء الأجازة الصيفية لأغلب الطلبة

موجه ورا موجه

2010-06-23T15:07:00.001+03:00

موجي شديد .. وأنتي مش أدي ..

ومن جهلك تقولي موجه وتعدي ..

إن كان جزري غرّك فاستني جاي مــدّي ..

بلا عنوان

2010-06-08T02:28:00.001+03:00

لا اعرف سر هذه الرغبة الملحة في الكتابة والتي اشعر بها تجتاح كياني كله ، تغدو وتروح صارخة بأن اطلق لها العنان ، حقا لا اعرف

حتى بالرغم من عدم وجود موضوع محدد ولكن ها أنا ذا اسلم دفة القيادة لتلك الرغبة واقف متفرجا عما تكتبه

ربما تحكي لكم جزءا من قصة هذا الشاب

إنها تعلم عنه الكثير والكثير مما لم يخبر به أحدا .. لكنها تعرف ، أنا أيضا اعرف ولكني ملتزم بمكاني في صفوف القراء مثلكم تماما

هو شاب عادي مثل العديد من الشباب ، يمتلك بعضا من المميزات وبعضا آخر من العيوب ، ومع ذلك يعتقد دائما أنه غير عادي بالمرة .. رغم أن ما تمر به من تحديات صعبة قد تبدو بسيطة لعدد من الناس يمرون بتحديات أصعب منها .. ورغم أن ما يملكه من هبات ومواهب يمتلك غيره أفضل منها .. رغم أنه يعيش حياة بالنسبة للآخرين عادية ، ولكنه ما زال مصرا على العكس

الكلام الجديد

2010-04-30T20:28:00.002+03:00

أيام زمان لما كنا بننبهر بحاجة معينة كنا بنحاول على أد ما نقدر نديها حقها في الوصف ، أحيانا كنا بنبالغ بس مبالغة مقبولة

يعني على سبيل المثال واحد يقرأ موضوع في مدونتي - وطبعا يعجبه - يقوم قايل :
موضوع جميل جدا ، أنت كاتب مميز

وطبعا بدون مجهود ذهني كنت بافهم هو عايز يقول ايه

تقول فكرة لواحد وتعجبه فيقولك : الله ينصر دينك ، فكرة عبقرية

عالم الأحلام

2010-04-21T13:59:00.003+02:00

بما إني طلعت كشكولي القديم ونقلت منه الخاطرة السابقة ، فجبتلكم منه النهاردة خاطرة عزيزة عليا جدا عن عالم الأحلام اتمني تعجبكم

عــــــــالم الأحلام

هو عالم كعالمنا هذا الذى نعيش عليه ولكن الفرق هو أننا فى عالمنا الحقيقى لا نستطيع الحياة إلا على كوكب واحد فقط من بين جميع الكواكب التى يشتمل عليها
أما فى عالم الأحلام فأنت تتنقل كل ليلة من كوكب لآخر

الضيف الثقيل

2010-04-19T00:55:00.003+02:00

المــوت .. الضيف الذي يدخل كل منزل ويطرق كل الأبواب الموصدة .. ضيف غير مرغوب فيه .. يأتي ليسترد الأمانة

يدخل بعد أن يستأذن وأحيانا أخرى بلا استئذان

كم فرق بين الناس .. بل باعد بينهم إلى أجل غير مسمى

فكرة تايهة يا ولاد الحلال

2010-03-30T00:51:00.013+02:00

قاعد في المحاضرة لا شايف ولا سامع وبالتالي ولا فاهم أي كلمة م اللى بتتقال

رحت مطلع الاجندة بتاعتي اللى باكتب فيها عشان اكتب اي حاجة

بس اول ما فتحت الاجندة لاقيت حاجة كده كنت قربت انساها

فصل من رواية كنت نويت اكتبها

( وبالمناسبة أنا عمري ما كتبت رواية قبل كده وشكلي كده مش هاعملها )

وكانت إلى حد ما فكرتها جديدة قرأت الفصل واندهشت .. أنا ازاي مكملتهاش ؟؟

دي حلوة خالص

جيت اكتب فيها اي حاجة .. بس للأسف مش فاكر حاااااااااجة خاااااالص

ازاي يا جدعان دنا قبل ما ابدأ كتابة فيها كنت متخيل الشكل العام للرواية والاحداث وكله كله

راحت فين الفكرة بقا ؟

يعني دلوقتي البطل صحي من النوم لقى نفسه الوحيد اللى فضل من سكان كوكب الأرض .. المفروض ايه اللى يحصل بعد كده ؟؟

معقولة يعني تكون تاهت وسط زحمة الافكار ؟؟ ...

طب اعمل ايه اعمل ايه اعمل ايـــه

وجدتهــــــــــا

أنا ادور بنفسي

ادور فين ؟

في دماغي .. اكيد الفكرة متنتورة هنا ولا هنا ولازم ادور عليها كويس

قلعت الجزمة ودخلت ( جوه عقلي أكيد يعني مش محتاجة ذكاء )

ويادوبك لسا باخطي برجليا اليمين

وهووووووب

لاقيت اللى مد رجله كعبلني .. ووقعت على وشي آآآآي

بابص كده لاقيت ناس كتييييييير .. متجمعين حواليا .. والشر بيطق من عينيهم

قولتلهم : أنتوا مين ؟؟ وايه اللى جابكوا هنا ؟؟

ردوا في صوت واحد : احنا أفكارك الشريرة .. واحنا اللى مسيطرين ع المكان ده .. فيه حاجه يا حلاوة ؟؟

اتصدمت من الفجأة واتفاجأت من الصدمة ورديت بكلمات متقطعة : ها .. لا .. أبدا .. بس كنت .. اقصد .. ماتعرفتش يعني

فقالت واحدة منهم : أنا فكرتك بتفجير الكلية

وقالت أخري : أنا نفسي يكون معايا مسدس اقتل بيه الاغبياء والاستفزازيين

وأخرى : أنا نفسي اضرب فلان الفلاني على قفاه

وأخرى : وأنا .....

وهكذا بدأوا يفضفضوا عن اللى جواهم أو اللى جوايا مش هاتفرق كتير

وخصوصا لما عرفوا إن أنا أنا واستريحولي ..

بنات أفكاري بردو والفكر بيحن .. وهكذا بحنان الاب جمعتهم حواليا وقلتلهم : متخافوش يا ولادي .. مسير هاييجي اليوم اللى اطلق فيه سراحكم .. واخليكوا تعملوا اللى تحبوه .. بس أنا عايز منكم خدمة صغننة .. أنا بادور على فكرة تايهة مني .....

وحكيت لهم الحكاية

قالت لي ( نفسي اكهرب السور بتاع حديقة الحيوان عشان امنع الحيوانات اللى بتهرب منها ويقرفونا في كل حته بنروحها او بنتعامل معاها ) : بص يا هندسة .. انت تمشي علطول .. هتلاقي مزلقان قدامك .. خش في اول شارع بعديه على يمينك وأنت داخل على شمالك في وشك هتلاقي وراك مجموعة من أفكارك الأدبية والخيالية والحاجات الهبلة دي - لا مؤاخذة يعني أنت بردو مننا وعلينا - ولو توهت اسأل أي حد هناك .. هم مسميين المكان ده البتــاعة .. قال يعني من قلة الاسامي .. روح يا شيخ الله يسهلك

وهكذا وجدت نفسي مش ملاحق عليها وعلى طولة لسانها .. قولت امشي من سكات بدل ما انضرب او تحبسني في حديقة ال... احم احم .. ما علينا .. الطيب أحسن

مشيت ع الوصف ولما وصلت سألت عليها

قالت لي ( بقالي كتير منزلتش بوست في المدونة ) : هي كانت موجودة ومستنياك تستدعيها .. بس شكلها زهقت .. عموما خد رقمها اهو

أخدت الرقم وجيت اتصل لاقيتها عاملة الكوول توون الغبية بتاعة " عفوا لقد نفذ رصيدكم "

وفضلت ماشي أدور عليها .. لغاية ما تعبت من المشي وقولت أريح هنا شوية

بس فجأة لاقيت أفكار كتيرة متجمعة حوالين حاجة - مشعارف ايه هي - وزحمة بقا وصوت عالي

قولت في عقل بالي ( ومحدش يسألني ازاي باقول في عقل بالي ... منا جواه أهو ) : أنا أروح واسأل هناك يمكن يكونوا عارفينها

وقد كان

رحت وكلمت فكرة عجوزة شكلها بتموت كده قالتلي انها ( رياضة 2 )

وان المكان ده بتاع المواد الدراسية وان فيه حفرة كبيييييييرة اسمها دائرة النسيان .. ملك للمواد الدراسية

ودايما بيرموا نفسهم فيها .. لكن ساعات بيسمحوا لأفكار من أماكن تانية انهم ييجوا ويرموا نفسهم فيها

أنا أول ما سمعت الكلمتين دول ودخلت ازنق في الناس اللى واقفين دول وأنادي بأعلى صوتي : يا ( رواية وحدي على الكوكب ) .. يا ( رواية وحدي على الكوكب ) .. استني مترميش نفسك .. اعقلي يا مجنونة .. عووودي .. عوودي إلى أخيتاتوووون

ويادوبك وصلت لحافة دايرة النسيان

لاقيت فكرة غبية أنا عارفها كويس راحت زقااااني

وهوووووووووب

الحقوووووووووووونااااااااااااااااااي

وقبل ما اوصل للقاع بحاجات بسيطة لاقيت اللى بيخبطني في كتفي

- أحمد .. أحمد .. رد ع الدكتور يبني

- أيوة يا دكتور

- ايوة يا دكتور !!! .. احنا كنا بنقول ايه دلوقتي ؟

- قوووول أنتا بقااااا
:D

عايز شمّــه

2010-03-15T21:42:00.007+02:00

أعزائي القراء .. أو خلينا واقعين شوية ونقول عزيزي القارئ

أود أن ابدأ حكايتي اليوم باعتراف خطير وهو إني كتير باحتاج اعمل زي الناس .. واتنفس

أيووون اتنفس .. الاكسجين اللى ربنا خلقه لينا في أحسن صورة واللى موجود ببلاش في الهواء الجوي حوالينا في كل مكان ده

أصل زمان كانوا بيدرسولنا ان الانسان بيتنفس عن طريق عمليتي الشهيق والزفير .. الشهيق بياخد فيها الاكسجين من الهوا .. والزفير بيطلع ثاني أكسيد الكربون

ســاره

2010-03-04T02:27:00.009+02:00

ساره
العنوان الذي اختاره العقاد للرواية الوحيدة التي كتبها والتي تدور أحداثها بين حبيبين " همام " و " ساره " يلتقيان صدفة فيحدث الاعجاب ثم الحب ثم الغيرة والبعد المؤقت ثم اللقاء مرة أخرى ثم الشك والخيانة والفراق
حقيقة لم تعجبني الرواية بقدر ما أعجبتني الرؤية الفلسفية التي طرحها العقاد بين طيات الأحداث كي يعبر عن خلجات النفس البشرية وعما يحتويه العقل من مفاهيم وتصورات للعشق والهوى والصداقة وغيرها وعن الصراع الداخلي تجاه تلك القضايا
ومما أعجبني في هذا الكتاب

سؤال برئ

2010-02-23T22:49:00.006+02:00

من أنا ؟ وماذا أريد ؟

سؤال بسيط لا نتعرض له كثيرا من فرط سهولته

إلا أن ما يكمن وراءه هو حياة بأكملها

حياة تستحق أن تجيب عن هذا التساؤل

آدي الكوباية وآدي اللى هايملاها

2010-02-11T20:14:00.010+02:00

عندما تدخل إلى معترك الحياة فإنك دائما ما تلاحظ هذا الكوب الموضوع دائما نصب عينيك ، فإذا اتجهت يمنة أو يسره أو حتى عندما تغمض جفونك فأنت على علم بوجوده ..
ذهب البعض إلى أن ما به طيب المذاق وذهب البعض إلى أنه مر علقم بينما ظلت البقية لا تكترث بطعمه ، لكن الجميع أكد أنه غير ممتلئ ، إنما هو نصفه فقط

ومن هنا كان التفاؤل هو أن تنظر للنصف الممتلئ فقط وتكتفي به ولا تعر أي اهتمام للنصف الفارغ حيث أن المتشائمين بدورهم لا يجذبهم في منظر الكأس غير الفراغ الذي يملء النصف الأعلى

كيدزانيا

2010-02-04T01:48:00.006+02:00

ملحوظة : البوست ده كنت كاتبه من رمضان اللى فات بس كنت نشرته في بعض المنتديات ولم انشره في المدونة الا الان فقط

كيدزانيا كانت عنوان حلقة النهاردة من البرنامج المتميز جدا ( خواطر 5 - أحمد الشقيري )

كيدزانيا كلمة يابانية الاصل معناها مدينة الاطفال

كيدزانيا هي المدينة التي يقوم فيها الاطفال بأعمال الكبار

لو معاك طفلك وعايز ترفه عنه وفي نفس الوقت تخليه يستفاد كويس خده وروح كيدزانيا

قصة واقعية .. للأسف

2010-01-13T15:35:00.006+02:00

ذهبت إليه في البداية ولم أكن أعرف أنه كفيف البصر ، أبلغوني في الجمعية أن هناك شخص ما يحضر رسالة الدكتوراة ويحتاج متطوعين معه للبحث في الكتب واستخراج المعلومات وتنسيقها وما إلى ذلك ، وقد رحبت بالفكرة خاصة أنني في أجازة صيفية وهي فرصة للاحتكاك بالرسائل العلمية والأبحاث والباحثين

هكذا علمتني الحياة

2009-12-23T12:21:00.006+02:00

أخذت أقلب في أوراقي المبعثرة فوجدت من بينها هذه القصاصات التي كتبتها من فترة كبيرة إلى حد ما فأحببت أن أشارككم بها ولأذكر نفسي بما كتبته فيها

* على الرغم من إني محققتش انجاز يذكر في أحد المجالات .. وإن أغلب الحاجات اللى باعملها مالهاش علاقة
ببعض .. لكن لازالت عندي القناعة إن أكيد هاييجي اليوم اللى هلاقيهم بيتربطوا ببعض لخدمة الأهداف الرئيسية .. إزاي ؟؟ معرفش ..لكن أنا متأكد من كده ... Read more »

تابع : نفحتك يا شيخ

2009-08-24T04:28:00.004+02:00

السلام عليكم ورحمة الله وبركاته

أولا: تهنئة واعتذار
تهنئة بمناسبة شهر رمضان المبارك أعاده الله علينا باليمن والايمان والسلامة والاسلام

واعتذار عن عدم زياراتي لمدوناتكم ربنا وحده يعلم انا مشغول أد ايه الايام دي

ثانيا : في الجزء الأول من الموضوع كنت اتكلمت عن أحداث الرحلة لمسجد الحسين وحبيت ألفت النظر لموضوع التبرك بالموتي والأولياء

نفحتك يا شيخ

2009-07-25T07:57:00.004+03:00

زمان وأنا صغير كانت مدرستنا عاملة رحلة للقاهرة وكان من ضمن البروجرام بتاعها إننا نروح الفترة ما بين المغرب والعشاء لمسجد الحسين وخان الخليلي

وبأمانة عشان مكدبش عليكم أنا في الوقت ده مكنتش اعرف أي حاجة عن أي حاجة

المهم إننا وصلنا الحسين على أذان المغرب ودخلنا عشان نصلي ، وأنا كنت داخل مع مدرس اللغة العربية واللى كان جاي مشرف ع الرحلة

عشان نحط النقط فوق الحروف

2009-06-22T13:41:00.017+03:00

حسنة قليلة تمنع بلاوي كتيرة ، إلهي ما يرميك في ضيقة يابني ، ربنا يكفيك شر ذلة النفس ، دنا غلبانة ومعايا خمس أيتام باجري عليهم ، إلهي ما يحوجك لحد أبدا قادر يا كريم

وغيرها وغيرها من الدعوات والاستنجدات اللى بتقطع قلوبنا وتخلينا نطلع الفلوس ونديهالهم واحنا عارفين كويس انهم بيعملوا كده كل يوم معايا ومعاك ومع أي حد بيقابلوه

ويجمعوا من هنا وهنا مش عشان يسدوا حاجتهم ويبعدوا نفسهم عن ذلة النفس زي ما بيقولوا
لأ ، دي عشان بقت مهنة فعلا وبتكسب كتير

أنا رجعــت

2009-06-11T22:32:00.006+03:00

السلام عليكم ورحمة الله وبركاته

وحشتوني كتيييييييييييير

أخيــــــــــرا خلصت امتحانات واخدت الاجازة

عندي كلام كتير عاوز اقوله

بس مش وقته

في السريع كده

قولولي رأيكم في الاستايل الجديد

خريجي شباب الثانوية العامة

2009-04-30T20:58:00.004+03:00

مش عارف ابدأ الكلام ازاي بس اللي حصل كالاتي :

من ييجي سنة ونص كده جت لي دعوة للمشاركة في موضوع اسمه " خريجي شباب الثانوية العامة " في " منتدي الاستاذ عمرو خالد "

أنا دخلت ع الموضوع اشوفه مش اكتر وبعدها اقرر اذا كنت هاشارك فيه ولا لا

بصراحة لما قرأت الموضوع حسيت أد ايه أنا بطلت تفكير من زمان .. أد ايه ان لسا فيه شباب في بلدنا يقدروا ينهضوا بيها وبالامة الاسلامية

شفت آراء وأفكار مكنتش متخيل انها تتطلع من شباب لسا عندهم 16 - 17 سنة

طبعا انا مكدبتش خبر وسجلت في المنتدي ساعتها وعلى الرغم من اني كنت بادخل اشوف مواضيع تانية الا ان الموضوع ده كان ليه نصيب الاسد في مشاركاتي القليلة في المنتدي

بجد استفادت من الموضوع ده حاجات كتيرأوي ولو مش مصدقين ادخلوا بنفسكم واقرأوه

كفاية الناس اللى بتشارك فيه .. بجد ناس زي العسل .. قمة الاحترام والالتزام وعلى مستوي عالي جدا من النضج الفكري وحمل المسئولية

أنا دخلت النهاردة على الموضوع لاقيت خبر فرحت له جداااااااااااا

الاستاذ عمرو خالد - كنوع من التواصل مع الشباب ومرتادي المنتدي - قال انه هايعمل فيديوات يتكلم فيها عن المواضيع المطروحة جوه المنتدي وعن كتاب المواضيع وتشجيع المشاركين فيه ورفع معنوياتهم .. وكان أول فيديو يتكلم فيه كان بخصوص الموضوع بتاعنا " خريجي شباب الثانوية العامة "

أنا بجد فرحت جدا لما اتفرجت ع الفيديو وشفت المجهود اللى اتبذل فيه من الجميع وبالاخص الشاب الشاعر المفكر " عبد الحميد محمود " كاتب الموضوع .. المجهود ده مراحش هدر بالعكس ده أستاذ عمرو أشاد بيه وبالافكار اللى فيه

فرحت أوي لما سمعت أ/ عمرو بيعلق على مشاركة ليا في الموضوع

فرحت لأن الفيديو حط لي سؤال جميل جدا لو جاوبنا عليه صح " احنا ليه بنشارك في المنتديات ؟ وازاي ممكن المنتديات تكون باب سهل جدا لكسب الحسنات ؟ " وده مش هاييجي غير بتجديد النية والاخلاص لله وحده في كل كلمة بنكتبها

مش عاوز اطول في الكلام

وده الفيديو للي يحب يتفرج عليه

تعليق أ.عمرو على موضوع خريجي الثانوية العامة بالمنتدى

وبالمناسبة دي مدونة " عبد الحميد محمود " كاتب الموضوع ( ربنا يجعله في ميزان حسناته ) وهي مدونة تستحق الزيارة و القراءة

عبد الحميد محمود

ألقاكم على خير ان شاء الله

سلام

Be Right Back

2009-04-16T13:28:00.003+02:00

أولا .. أنا باعتذر ليكم جدا على قلة زياراتي و ردودي عليكم

ثانيا .. أنا مشغول حبتين اليومين دول ومش هاكون متواجد زي الأول

ثالثا وأخيرا ... دعواتكم

بس كده

كويز

2009-04-08T22:36:00.021+02:00

ربنا يعينك ويوفقك ويرضيك ويرضي عنك وينولك مرادك يا سمو الامير

شكرا شكرا .. ولكم مثله ان شاء الله

بأي أنــا كنت قاعد في أمـان الله ،، عندي امتحان تاني يوم وقاعد باذاكرله عشان الحق اعمل الريبورت اللى هايتسلم بكره بردو
قلت اطلع من الجو الكئيب ده وادخل ع المدونــة ألاقي تــاج .. هيه ناقصة كويزات

بس طبعــا لما يكون الكويز ( قصدي التاج ) من ميـرام صاحبة مدونــة اسكت يا ابني
يبقي لازم اقول حاضر حاضر

على بركة الله

اسمك ؟

أحمـد

المشهور بيه وسط صحابك ؟

فيه اللى بيقولوا " سمو الامير" وفيه " سمو " بس

سنك ؟

كمان 3 شهور ان شاء الله ويبقي عندي 20

اسم مدونتك ؟

البتــاعة ،،، وبدأت اكتب فيها من كام شهر ،، فترة كنت فعلا محتاج اكتب واطلع شحنات كتيرة جوايا وكلام كتير نفسي اقوله ولأني مش باكتب في حاجة محددة يعني شوية شعر على حبة قصة وممكن خواطر أو مقالات وساعات بلاقي حاجات من بره بتعجبني باروح ناقلها ( باحاول على أد ما اقدر ميكونوش كتير ) عشان كده سميتها البتــاعة ،، إنهــا تبأي أي بتــاعة في أي بتــاع وخصوصا إن البتــاعة كانت لزمه ليا وأنا صغير

مجال دراستك ؟

هندسة تكرير البترول والبتروكيماويات

الصورة الرمزية للمدونة بتعبر عن ايه ؟

دي صورتي لما كنت ضيف في برنامج كلام تاني خالص على قناة الناس

هل فكرت في اغلاق المدونة ..؟ والسبب ؟

اه فكرت بس مش اغلاقها كنت بافكر إني اسيب النت كله ،، لأني كنت ماسك ادارة منتدي واشراف في كذا منتدي تاني وعدد الكونتاكتس ع الماسنجر كان وصل ل 160 بني آدم ،، والمدونــة طبعــا ،، ده غير الفيس بووك والدوشة اللى فيه ،، والمنتديات والمدونات اللى متابعهم باستمرار ،، فبقيت مدمن نت مش باقوم من أدامه خالص ،، ولا باعمل أي حاجة تانية غيره ،، حتي لو كنت خارج ولا حاجة تلاقيني داخل نت من الموبايل ،،

في الوقت ده كان لازم ابعد عن النت واراجع نفسي اللى باعمله ده صح ولا غلط ،، وقد كان فعلا والحمد لله دلوقتي بقيت أحسن من الاول ،، مش بافتح الماسنجر إلا للضرورة ،، نت الموبايل قليل أوي لو دخلت منه ،، فيه منتديات كتيرة سبتها خالص ومنتديات باشارك فيها على خفيف ،، صحيح لسا موصلتش للمستوي اللى عاوزه بالظبط بس أحسن من الاول كتير الحمد لله

ايه رد فعلك لو حد قل أدبه عليك في التعليق ؟

محصلتش معايا قبل كده ،، بس بكل بردو هامسح له الكومينت بتاعه ولا هاتنرفز ولا أي حاجة خالص لأن الناس دي مبحبش أديلهم الفرصة إنهم ينرفزوني

أسوأ مدونة ؟؟؟

كتيييييير ،، بس لأني مبادخلش عليهم غير مرة واحدة بس فمش باحفظ أساميهم وكمان ميستحقوش ان اسامي مدوناتهم تتكتب عندي واللى يدور عليها في جوجل يلاقيها مشرفة عندي وابقي ساعدت في نشرهــا زي الاعلان اللى كنت شايفه قريب في الجرنان ( اللى مش هاقول اسمه بردو ) عن إن فيه فيلم بيتعرض في أمريكا وحقق أعلي ايرادات رغم انه فيلم اباحي .. أنا مش مستغرب الحكاية دي أد منا مستغرب إن الجرنان كاتب اسم الفيلم وحاطط الأفيش بتاعه

هيحصل ايه للايميل بتاعك لما تموت ؟

مش هاكون فاضيله

اديت الباسوورد لحد قبل كده ؟

لأ طبعــا ،، مرة واحد صاحبي عمل فيا مقلب وعرفه بإحدي الطرق الملتوية بس غيرته في ساعتها

السفر بالنسبالك ؟؟

فرصة حلوة للتفكير والتأمل والقراءة كمان مبيعكرش من صفوها إلا واحد قاعد جنبي بيشرب سجاير أو السواق يكون مشغل أغاني هابطة زي آخر مرة كان مشغل أغنية قمة في الرومانسية حتي بالأمارة كلماتها كانت بتقول

شخلع شخلع شخلع أنا مش هاسيبك واخلع
متصدرش الطارشه ،، الناس كلها هارشه
هاتطنشني هاطنشلك هاتنفضلي هانفضلك
هشك هشك هشك ،، أنا مقدرش أغشك

وزي ما شفتوا كلماتها بتبعث الحماسة في نفوس الشباب
وبتدي أمل كبير لنظرية إن الانسان كان أصله قرد

المود بتاعك ؟

هادي ،، رايق

ولو إني ساعات كده بابقي عصبي ومش عاوز اكلم حد

بتعمل ايه في وقت فراغك ؟

يا اما بقرأ كتب أو باتعلم برنامج كمبيوتر معين أو باتصفح شوية ع النت وممكن العب كوره أو تنس طاولة أو شطرنج

لكن الهوايــة المفضلة عندي فعلا هيا التأمــل

الأكلة المفضلة ؟

المكرونــة وأي أكلة تانية غير الملوخية والباميه

الصفات التي ورثتها من والدك ؟

الطموح والكفاح والتحدي واحترام الصغير قبل الكبير
( دي الصفات اللى في بابا ونفسي تبقي فيا فعلا )

مالصفات التي ورثتها عن والدتك ؟

الطيبة وراحة البال والتسامح مع الناس والدنيا كلها
( بردو نفسي يكون فيا الصفات دي )

أكتر ست حاجات بتكرههم ..

ستة بس ؟؟ لا بأي لو سمحتوا ،، مدام السؤال عن الحاجات اللى باكرهها فخدوا عندكوا وسيبوني اطلع اللى في نفسي ...
بكره الكدب والاشاعات والغرور والتكبر وبياعين الكلام واللى بيشتروا منهم
بكره السياسة ( ماعدا سياسة الوفاق بتاعة يا بخت من وفق راسين في الحلال )
بكره التعصب للرأي والتعصب لفريق كورة
بكره برامج التحليل الرياضي قبل الماتشات وبعدها وبرامج الطبيخ والموضة والجمال وتفسير الاحلام والضحك على الدقون والشنبات والسكسوكه
بكره حلمي - ( وحلمي ده بالذات بكرهه كره ،، ربنا وحده اللى عالم )
وبكره اللى عاملين نفسهم فاهمين في كل حاجة ويعرفوا كل حاجة عن أي حاجة في كل حتة وفي كل وقت ودايما عارفين كل الناس اللى في كل منطقة واللى يقدروا يخلصولهم أي مصلحة
بكره مسلسل نور وبكره تامر حسني وسعد الصغنن والاغاني الشعبية كلها
بكره الدوشة والهيصة
بكره الغباء البشري
بكره كلمة متقدرش - أنت فاكر نفسك مين - مستحيل
بكره الشباب التافه والبنات التافهه

أكتر ست حاجات بتحبها ؟؟

باحب الهدوء والتركيز
باحب أصحابي وأقاريبي
باحب الناس تسامح بعضها وتلتمس لبعض أعذار
باحب الرضا وراحة البال
باحب الشباب المكافح والبنات اللى عندهم هدف وبيسعوا لتحقيقه
باحب الأمل والتفاؤل
باحب الهزار والضحك
باحب أعيش حياتي صح واستمتع بيها
باحب التحدي والتشجيع والكلمة الحلوة
باحب اقعد لوحدي بالذات بالليل
كنت باحب الفيزيــا والرياضــة ( منهم لله اللى كرهوني فيهم )

وباحب ادرس شخصيات الناس واحط نفسي مكانهم دايما واعرف وجهات نظرهم

باحب أحل المشاكل واصالح الناس على بعض

باحب حد ياخد رأيي في موضوع ويرجع بعد ما ينفذ اللى قولتله عليه إن كلامي كان صح ( بافرح جدا في المواقف دي )

باحب النعم الكتير اللى ربنا اداهالي ومش موفي شكرها

باحب حياتي كلها

وباحب اللى خططهالي بالطريقة دي

باحبك يا رب

شخصيتك نوعها ايه ؟

على حسب كلام الناس اللى يعرفوني وباثق في رأيهم واللى أنا شايفه كمان ،، فشخصيتي محترمة وعاقلة ،، فاهم الحياة ماشية ازاي ،، وباحب الهزار والضحك

لماذا دخلت عالم التدوين ؟

وضحت قبل كده إني كنت عاوز اطلع شحنات كتير جوايا والتدوين كان فرصة حلوة لكده ،،

أجمل كلمة قيلت في وصف مدونتك

( مدونة لذيذة ودمها خفيف )

أهمية التعليق بالنسبة لك ...؟

بيحسسني إن فيه ناس متابعة وإني مش باكلم نفسي
لكن عادي يعني لو محدش كتب تعليق ،، مش هانتحر ولا حاجة

أحسن بوست كتبته وضع لينك ؟

طبعا البوستات اللى باكتبها كلها حلوة

لكن طالما عاوزين حاجة محددة فممكن اقولكم ( اصطباحه لكل مواطن )

http://beta3a.blogspot.com/2008/12/blog-post.html

أفضل بوست قرأته وأفضل مدونة ؟

بوست اسمه ( تعالوا بس ) في مدونة إنهــا الحيــاة - مهــا زين

http://enahaelhaya.blogspot.com/2008/12/blog-post_24.html

وأحسن مدونــة شفتهــا هي مدونة تظبيط

http://6azbeet.blogspot.com/

بالاضافة للمدونات اللى ضايفها عندي في الليسته

الانترنت بالنسبالك ايه ؟

عالم وهمي ،، كل حاجة فيه سهلة ،، يبقي نستفاد منه على أد ما نقدر عشان يبقي حجة لينا مش علينا

تمرر التاج لمين ؟

بلاش امرره لحد دلوقتي
لأن اغلب الناس جاوبوا عليه
لما افضي بس ان شاء الله
هاعمل تاج واوزعه عليكم كلكم

زائــر الليل

2009-04-02T14:25:00.011+02:00

كان يوم خميس من حوالي شهرين ... وكنا بعد المغرب تقريبا ...رقم غريب بيتصل بيا في الوقت ده بالذات .. خير اللهم اجعله خير .. انا مش حمل مفاجآت دلوقتي

المفروض اني هاطلع بكره في قنــاة الناس ولسا عارف الخبر ده من شوية ومن ساعتها وانا وصاحبي المذيع اللى هايطلع معايا شغالين تليفونات مع بعض زي ما حكيتلكم قبل كده

انا قلت أكيد هو بيتصل من رقم تاني .. في الوقت ده أنا كنت عند ابن خالي باصلح له الكمبيوتر بتاعه .. رديت ولأن الصوت مكانش واضح والشبكة كانت ضعيفة اتفقت مع الشخص اللى كلمني انه هايعدي عليا بالليل وانا هاستناه

وجه فعلا في الميعاد اللى اتفقنا عليه

طلع واحد من اصدقاء الثانوي ... لاقيته جايب لي امتحان وعاوزني احلهوله ... امتحانات ايه ده كمان دنا مصدقت خلصت وخدت الاجازة

بابص في الورقة كده لاقيت مكتوب فوق ( كلية الحاسبات والمعلومات - جامعة كذا كذا " خاصة " ) ... مع إني اعرف ان صاحبي ده ( كلية نظرية - جامعة تانية خالص ) طب ايه اللى لم الشامي ع المغربي ؟؟

حاولت استفسر منه عن الموضوع .. قالي ان الامتحان ده بتاع واحد قريبه .. وهايمتحنه يوم السبت الجاي .. من الآخر يعني جايب لي امتحان متسرب عشان احلهوله

يا نهــاركـ مش فايت .. انت تعرف عني كده بردو ( قلتها في سري ) وطبعا لأني ما اتعودتش ارفض أي طلب بطريقة مباشرة كده عشان اكسب اللى قدامي لغاية ما اعرف افهمه غلطه بطريقة غير مباشره بردو

لأن معدش فيه حد دلوقتي بيتقبل النصيحة بصدر رحب - إلا ما رحم ربي - فقلت لنفسي بلاش اخسره وفي نفس الوقت بلاش اخسر مبادئي عشان واحد صاحبي

لاقيت الحل الوحيد إني اظهرله إني معرفش الحلول .. لكن لما بصيت في الورقة لاقيت ان الامتحان اتفه ما يكون وبرغم ان مدته ساعتين باين .. ممكن يتحل في نص ساعة

جه في دماغي ساعتها إني تاني يوم هاكون ضيف في قناة دينية ليها وزنهــا ... وواحد جايب لي امتحان متسرب النهاردة عشان احله

يا سلام ع المفــارقة بين الحالتين

قعدت اقوله كلام يفهم منه اني معرفش الحل وفي نفس الوقت ما اكونش كاذب في كلامي ده .. ففي المعاريض مندوحة عن الكذب

يعني على سبيل المثال : * المسألة دي درسنا طريقة حلها السنة اللى فاتت .. بس مش فاكر كنت كاتب طريقة الحل فين

* المسألة دي بتتحل ببرنامج معين ع الكمبيوتر .. بس البرنامج ده مش متستب عندي

وهكــذا لغاية ما اقنعته تماما إني ماقدرش احل ولا مسألة من اللى في الامتحان التافــه اللى كان جايبهولي

فضل هو يلف على حاجة تانية .. قالي أومال مين من اصحابنا ممكن يحله ؟؟

وكعادتي بردو فضلت أراوغ في الاجابة .. قولت له فلان في هندسة كهربا وممكن يكونوا بيدرسوا الجزئية الفلانية وعلان في علوم وممكن يكونوا درسوا الجزئية العلانية ..

لما لقي ان مفيش فايدة قالي طب مين من المدرسين بتوع ثانوي يعرفوا يحلوا الامتحان ده

قولتله الاستاذ فلان تخصص رياضة واحد ومالوش علاقة بالبوابات المنطقية وتشفير البيانات لأنها عاوزه واحد بتاع حاسب آلي .. والدواير الكهربية دي ميفهمش فيها أد مدرس الفيزيا .. ووزعت الامتحان بين قبائل المدرسين عشان ميعرفش يروح لواحد منهم

صاحبي مشي من عندي أخيرا وهو معاه فردتين الجزمة بتوع أخينا حنين ... بعد ما اقتنع ان الامتحان ده أصعب امتحان في تاريخ البني آدميـن ... وقريبه هايشيل المادة دي يعني هايشيلها .. وان جيتوا للحق المفروض يشيلها فعلا .. والمفروض كمان يرجعوه ثانوي من تاني

بصراحة مش عارف هو عمل ايه بعد ما مشي من عندي ... لكن جايز يكون فيكوا حد سولت له نفسه انه يسأل سؤال في سره : اشمعني يعني جالي انا بالذات دونــا عن بقية اصحابنا ؟ وازاي اقتنع بالسهولة دي اني معرفش احل الامتحان ده ؟؟

متهيألي هايزول العجب لو عرفتوا إني اقنعته قبل كده بما لا يقبل الشك ان

2+2=3

ودي كانت أكبــر كدبــه في الموضوع

أوراق متناثرة

2009-03-20T15:36:00.007+02:00

من حين لآخر تراودني فكرة أو خاطرة فأخشي عليها من النسيان أو أن يدهمها طوفان الأحداث والصراعات على أرض الواقع أو في سماوات الخيال ، فأسرع إلى تدوينها على الورق قبل فوات الأوان ...
وإما أن تخرج الفكرة إلى النور أو أن يحدث ما يعيق حركتها ويمنعها من الاكتمال وكثير ما يحدث هذا معي فتظل الكتابات مدفونة بين الورق لا استطيع اكمالها لأن الخاطرة وليدة اللحظة إن ذهبت اللحظة دون اكتمال الخاطرة فقد حكم عليها أن تبقي هكذا للأبد
حتي لو استطعت اكمالها فيما بعد فلابد أن يتغير شئ ما كالاحساس أوالأسلوب أو الحالة المزاجية ... إلخ
ومن بين أوراقي العديدة وجدت كتابات لم تكتمل فظلت هكذا بين أغراضي لا تمثل إلا أوراقا مبعثرة وجدت من المريح بالنسبة لي أنا انقلها هنا كي تجتمع سويا تحت عنوان واحد وأوراق كثيرة ومختلفة ... إنهــا أوراقي المبعثرة
.............
انتظرته كثيرا كي نسير سويا، وهو بالمثل انتظر شخصا آخر كي نسير جميعا، فطريقنا واحد ... هكذا كنا نعتقد .. ونؤمن بأنه لابد أن نكون معــا ..
مضت الدقائق مسرعة حتى التقينا ومضينا في طريقنا نحو هدفنــا ..
ولكني صادفت صديقا آخر في الطريق .. فانتظرت أسلم عليه واسأله عن أحواله ... وقد ظللنا نتجاذب أطراف الحديث حتى نسيت أني تركت أصدقائي الآخرين ينتظرونني فأشرت إليهم ليمضوا في سبيلهم على وعد مني باللحاق بهم ...
وهكذا الدنيا .. نحياها على مراحل .. تنتهي مرحلة لتبدأ أخرى ... ونحن نتنقل بين مراحلها دون أن نشعر وأحيانا ونحن نشعر .. ومع كل بداية جديدة نترك خلفنا من هم في انتظارنــا ... ولربما تناسيناهم إلى الأبد ... لكنهم عندما يملوا
الانتظار ... سيمضون في حياتهم ... ولكن هذه المرة بلا عودة ...
..........
مــرة نادانا الهوي
واحنا بنندهله
جمّع بيناتنا الهوي
وفرق على مهله
روحنا لحالنا وراح الهوي لأهله
راح واختفى عنا
من غير ما نسمح له
.........
تخيل لما تقعد جنب ست كبيرة في السن في المواصلات وتلاقيها طلعت رغيف عيش مع قرص طعميه وراحت قسمه الرغيف نصين وقرص الطعمية نصين وعملت سندوتش ليها وسندوتش لبنتها وبعد كده تعزم عليك بالسندوتش بتاعها " اتفضل الأكل يا حبيبي " !!!
.......
ممكن في مرة نتقابل
وطول العمر نتباعد
وبعد البعد نتقابل
وكل بعد ليه آخر
ياريتك لما نتلاقى
يا حظي أوعي تتاقل
......
يتبع إن شاء الله

كراكيب

2009-03-13T17:23:00.005+02:00

أما أنا النهاردة كان عندي حتة رحلة انما ايه
محصلتش قبل كده في تاريخ البني آدمين
مهو أنا كده لما باكون مخنوق ومتضايق وهاطق من جنابي
باحب اخرج من المود خالص بأي وسيلة
وانا يفترض ان مودي رايق دايما
وبيجي في فترات معينة - بس صغيره - تلاقيني دخلت في مود تاني - اللى هو زهق ونرفزة وزمزءة -

لكن اللى حصل بقي في الآونة الأخيرة إني بقيت شوية رايق وشوية مزمزء
شوية رايق وشوية مزمزء
حاسس إني بقيت بمودين
اطلع من ده ادخل في التاني مباشرة
طبعا هايطلعلي زعبوله القله ويسألني طب وايه اللي غاصبك على كده يا عم الحج
في الحقيقة يا زعبولة حاجات كتيرة أوي
بتتكوم فوق بعضها
وكل ما بتزيد بيزيد الحمل عليا
ومبلاقيش حل ليها

عشان ما اطولش عليكم ( قولوا طول ) هاحكيلكم عن الرحلة بتاعتي
إن جيتوا للحق هي الرحلة ماكنتش بره مصر
ولا خارج حدود محافظة الشرقية
وتقريبا كده مكنتش بره بيتنا
وبالأصح الرحلة كانت في أوضتي

لأن الرحلة مكانتش رحلة أماكن أد ماكانت رحلة أزمنة

هاتسألوني إزاي هاقولكم اصبروا عليا بس وأنا جايلكم في الكلام ( قولوا تعالي )
الله ينور عليكم
بصوا بقي يا اخواننا
اللى فيكم دخل أوضتي قبل كده ( طبعا ولا واحد هيا سايبه ولا ايه) هيلاقي اوضتي السبب الرئيسي في إدراج كلمة " كراكيب " في قاموس الكلمات المستخدمة في مصر والوطن العربي

كراكيب من كل ناحية
بابص على المكتب بتاع سعادتي الاقي عليه اشي كتب بتاعة الترم الاول على كشاكيل محاضراتي من ساعة ما دخلت الكلية ( من ييجي 35 سنة تقريبا )
واشي كتب لمصطفي محمود على صلاح منتصر على كتب لابن القيم وابن الجوزي وكتب تعليم برمجة وتصميم مواقع
على كتب للعلاج بالأعشاب على لوح رسم هندسي والمسطرة التي
ومفيش مانع من شوية أزايز برفان على أعداد مختلفة لمجلة العربي الكويتي وشوية لمجلة التوحيد
ده كله ع المكتب خلي بالك
تحبوا أكمل اللى ع المكتب ولا كفاية عليكوا الصدمة دي

قلت في عقل بالي ( ومحدش يسألني إزاي باقول في عقل بالي ) يا واد يا سمو الامير سيبك من المكتب وشوف غيره ده عمره ما هايتعدل ولا هايتروق
بابص كده جنب المكتب لاقيت الكوميدينو والشفونيرة ( ولو ليا خاطر عندكم تقولولي أصل الكلمتين دول عشان تاعبني )ويارتني ما شوفتهم
قال ايه الاقي فيهم شرايط كتييييييييييير مشعارف ايه اللى مخليني محتفظ بيها لغاية دلوقتي مع إن الكاسيت باظ ومفيش أمل انه يتصلح
بس أهو من باب الاحتياط بردو يمكن نحتاجهم في يوم من الايام

ده مش كده وبس دنا لاقيت كمان الورق اللى كنت باذاكر فيه أيام الثانوي ( على رأي سعيد صالح أيام ما كان عندي نظر )والعجيبة رغم إن عدي ع الورق ده قرون عده إلا أنه مازال محتفظا بأصالته ورصانته وجزالة أساليبه وعمق أفكاره وماشربش الشاي اشرب أزوزه أنا

طبعا ده غير الكراكيب المرمية تحت السرير عشان تعمل طبقة تحمي البلاط من الرطوبة ودرجات الحرارة واهي بتدي منظر لما الواحد يبص تحت السرير بدل ما ييجي يبص يلاقي صحرا

كل ده كوم والدولاب كوم تاني
وسألت نفسي سؤال : هل الهدوم دي كلها فيها حاجة تخص جدي سمو الامير 22
أو حد من أجدادي الفراعمة اللى عاشوا في الأسرة السابعة ؟؟
؟؟!!
!!؟؟

أوباااااا ايه ده ؟؟
مش معقول !!!
الشنطة السمسومايت شخصيا ؟؟!!
لأ ده كتير أوي كده
..
الشنطة السمسومايت دي هيا صندوق الذكريات بتاعي
ولأهميتها القصوي عندي كنت قافلها برقم سري عشان محدش يهوب ناحيتها
بس الظاهر إني مشفتهاش من زمان
عشان كده نسيت الرقم السري
واضطريت افتحها بالطفاشة عشان اشوف اللي جواها

لاقيت شهادات التقدير من ايام ابتدائي واعدادي وثانوي ( لو كنت صبرت كمان سنة ولا حاجة كان زماني جمعت منهم اللى يخليني ألعب بيهم كوتشينة براحتي ) وكلهم كانوا في مناسبات مختلفة عن بعض
شوية منهم تفوق دراسي وشوية مسابقات وعي قومي وملتقي فكري على طالب مثالي على اتحاد طلبة على اذاعة وصحافة وأبحاث وقصص قصيرة

ايييييييييييييييييييه أيااااااااااااام

وكل ده مدعم بالصور اللى لاقيتها وكل صورة وراها حكاية طويلة
..
..
..
شوفتوا بقي الكراكيب بتاعتي
..
..
لأ مشفتوش
..
..
أصل الكراكيب اللى حكيتلكم عليها متجيش حاجة في الكراكيب اللى في دماغي
أفكار وأحلام وطموحات مش عارف هاحققها امتي ولا ازاي
وانا معنديش غير 24 ساعة بس في اليوم
والسنة مفيهاش غير 365 يوم ( وربع )
..
قليلين أوي والله
وميكفوش حاجة
ولا كركوبه واحدة من اللى شاغلين دماغي
..
..
ارجع واقول وأنا ايه اللى غاصبني على كده ما احلم على أدي واكتفي باللي موجود وخلاص
..
..
بس صدقوني مش هاتبقي حياة دي اللى متكونش مليانة بالكراكيب بس بشرطين
..
..
أول هام تكون الكراكيب دي بتخدمك مش بتضرك سواء في دنيتك أو في آخرتك
..
..
تاني هام تنظم كراكيبك حسب الاولوية وتخطط لها كويس
..
..
وده اللى نفسي اعمله في حياتي المكركبة
نفسي اشيل الكراكيب اللى ملهاش لازمة
واديها لبتاع الروبابيكيا
عشان اركز في كراكيب معينة اقدر انظمها واحقق منها اللى اقدر عليه
..
..
فتش في كراكيبك من دلوقتي
وادعيلي ربنا يعيني على كراكيبي
..
..
..
وآسف جدا جدا جدا ع الاطالة
مدونتي بأي وأنا حر أطول ولا ما طولش

يللا .. فوتكوا بعافية

اشتيها .. اشتيها .. خلي البط يعوم فيها

2009-03-01T10:42:00.004+02:00

على الرغم إن اغلب اصحابي والناس اللى اعرفهم بيفضلوا الصيف عن الشتا
بس أنا من المهووسين بالشتا ده
وبالذات لما كنت صغير
كنت ابقي راجع من المدرسة وشايل الشنطة على ضهري ومشمر البنطلون عشان الشتا في الأرياف بيحولها لمستنقعات ميه وطين أو بالأصح ( روبة )

وكنت افضل ماشي على مهلي خالص مش بس عشان آخد الشتا كله على دماغي لكن عشان أي حركة غلط هاتخليني اتغرس واحتمال اغرق في بحر الرمال .. احم احم .. الروبة الاعظم

وكنت اروح من هنا اغسل رجليا وآخد دش ميه سخنة مولعه واطلع علطول تحت الخمس ست سبع بطاطين عشان اتدفي من البرد ده

وطبعا لأن الشتا عندنا بردو يعني الكهربا تفضل قاطعة باليومين والتلاتة يبقي لازم انام وقت الضهر والعصر عشان لما نييجي بالليل ميكونش فيه كهربا ويبقي عندي حجة اني انام من غير ما اعمل الواجب بتاع بكره ( كنت تلميذ نبيه ما شاء الله عليا )

لما كبرت بقي ( قال يعني بقي عندي خمسين سنة ) ولما رحت السويس بدأت افتقد إحساسي بالشتا والمطر والبرد القارس ( مش فاكر بالسين ولا الصاد )

يمكن عشان السويس الجو بتاعها مش بيوصل لدرجة البرودة اللى اتعودت عليها في الشتا عندنا

أو جايز عشان وانا راجع من المد... الكلية مباخدش الشتا على دماغي لأني باكون راكب في السيرفيس

أو يجوز بردو إني عارف اني كده كده هاروح انام لأن معنديش حاجة تانية اعملها اصلا

يعني إحساس الهروب من الواج.. المذاكرة والدح بقي هوه ده الطبيعي عندي

صحيح انا دلوقتي في بيتنا وبدأت احس تاني باحساس الشتا اللى افتقدته زمان

خصوصا لما السيول غرقت الشوارع بره

وأجلت سفري للسويس بمقدار واحد يوم

وكمان أجلت مشواري للزقازيق عشان جمعية رسالة بمقدار واحد أسبوع

وكمان أجلت مشواري لصحابي في البلد اللى جنبنا بمقدار واحد ... بس لسا معرفناش واحد ايه

بالاضافة انها لغت تماما مشواري للحلاق ( اصلي بافكر احلق لنفسي )

وكمان أجلت ميعادي مع دكتور الأسنان

ومش بس كده دي الكهربا كل شوية تفصل بردو

وبالتالي بتخليني كل شوية اكتب البوست ده وقبل ما اخلصه بحاجات بسيطة الكمبيوتر يطفي وارجع اكتب من الاول لأني بانسي اسيف الكتابة

عشان كده أنا بدأت أحس بأيام زمان والمتعة بتاعة الشتا اللى بتخليني ماعملش أي حاجة كنت ناوي اعملها

فعلا رجعتني لأيام الطفولة

عشان كده نفسي اصرخ زي زمان وازعق وانا في وسط الشارع

واقول بعزم ما فيا

اشتيها .. اشتيها .. خلي البط يعوم فيها

سوجارة بس رخمة

2009-02-28T14:39:00.008+02:00

أولا عاوز اتفق معاكوا علي حاجة عشان ماتسيبوش الموضوع وتجروا ،

أنا مكتبش الموضوع دا عشان اقولكوا بطلوا تدخين عشان التدخين مضر بالصحة

ولا هوا بيسبب الوفاة ولا حاجة ماتصدقوش الكلام دا

وبالنسبة لصورة حمدي بالالا فهي كنوع من التغيير بس بدليل إن المدخنين زي ماهما شغالين الله ينور

دا مش بس كده دا الراجل بقي مشهور وبقي له معجبين كتير ونفسهم يقابلوه عشان يمضي لهم أوتوجراف على علبة السجاير

أنا مش عاوز منكم غير حاجة واحدة وبس

لما تحبوا تدخنوا .. خليكوا بعيد .. بليز أنا باتخنق من ريحة الدخان

مش هاقولك من حقي استنشق هواء نظيف

بس هاقولك تحب تكون قاعد جنبي في المواصلات وتطلع السوجارة وتولعها عشان تدخن وتخليني أدخن معاك ؟؟

وبعدين انا مبقعدش غير جنب الشباك

ويا سلام لو احنا في عز الدخيلة .. قصدي .. في عز الشتا .. هتلاقيني فتحت الشباك على آخره واستقبل يا حلو

طبعا أنت طلعت السوجارة عشان أنت مخنوق وعاوز تنفخ همومك فيها ولو ربنا وعدك بواحد زي حالاتي هتلاقيه هايرخم عليك أكتر

دا غير إنك لو مش قاعد جنبي هتلاقيني بارخم أكتر واقول بصوت عالي وبصيغة المخاطب " اطفي السوجاره يا .... (أكيد شتيمة ) "

يعني هايتحرق دمك أكتر مهو محروق خلقه

فبلاش تحط نفسك في المواقف البايخة دي

خليك حلو كده ولما تحب تدخن دخن في مكان عام متخنقش اللى قاعدين جنبك يمكن منهم واحد تعبان ومكسوف يقولك اطفي السيجارة أو واحد طالع على لحم بطنه

وبعدين أنت سلبي ليه ؟
ايوة أنت سلبي
أنت المفروض تعمل مظاهرة على الكلام اللى بيتكتب على علبة السجاير

إزاي يكتبوا " التدخين ضار جدا بالصحة ويسبب الوفاة " ؟!!!

دا بدل ما يكتبوا " صحتك ف العلبة دي " ؟؟؟؟

وازاي توافق انهم يحطوا صورة حمدي بالالا بدل ما يكتبوا لك نكت على ضهر العلبة

يعني أنت ما بتشربش غير عشان أنت مخنوق يروحوا هما كاتبينلك كلام يخنقك أكتر !!!

يرضي مين الكلام دا ؟؟؟

وأنت ازاي متطالبش بحقك

أنا لو منك مشربش سجاير خالص لغاية ما يشيلوا الكلام الوحش دا

لازم يكون ليك موقف ...

وعموما ربنا يخليلنا الصين لما عرفت بالخبر ما اتأخرتش وعاملتلك جراب تحط فيه العلبة عشان تساعدك علي .... احم احم ... المهم انها هتساعدك

المهم يا سيدي عشان أكمل أنا عليك بموضوعي اللذيذ ده

أكيد اللى زيي هايكتروا في يوم من الايام وهتلاقيهم في كل مواصلة وكل مكان غير مسموح بالتدخين فيه

هتلاقيهم رافعين شعار من نوع جديد

زي ما هتأذيني صحيا
هأذيك نفسيا
والبادي أظلم

طبعا أنا مش باعمل كده علطول وإلا مكانشي زماني باكتب الكلام ده دلوقتي

كان زماني في المشرحة بيلعبوا في جسمي السيجة

بس أحب أكد لك إني مش هاستسلم بالسهل

ومش هاعديهالك كل مرة

وأخيرا الكلام الجد اهو بقي

إذا أردت أن تنتحر فاستعمل الخنجر

ولا تفكر في الديناميت

ليس لنا من الأمر شئ

2009-02-19T03:59:00.007+02:00

ليس منا من يكاد يجزم بشيئ فيه مصلحته
ولكن الله يدبر الأمر من عنده

وقد يكون عمل أو فعل في ظاهره مفسدة ولكن عقباه فرح وسعادة
صدق من قال علينا بالتفكير وعلى الله التدبير

ومادام ما تغير حولنا ليس لنا يد فيه

فلينظر كل منا لنفسه هل أساء ؟

فهذه عقوبة له ،، تمحص ذنوبه وتنبهه قبل فوات الأوان

أم لا ؟

فإذن هي بلاء من رب العالمين

فعليه أن يشكر ربه على عطاياه التي لا تنتهي

ويصبر على البلاء حتي يجزيه الله بأحسن مما يتوقع .

صحيح منــا من يعلم مصلحته جيدا
وقد رسم لنفسه طريقا يسير فيه
وتابع ذلك بخطي منتظمة واثقا ومتفائلا

وقد يتغير به المسار لوجه أخري

فعليه أن يحسن الظن بالله
وليعلم أنه ربما هناك طرق أسرع من التي قد رسمها في ذهنه
ولكننا أغراب في هذه الدنيا

ومادامت نيته سليمة ومادام مخلصا في عمله
فإن ذلك هدية من الله سبحانه وتعالي

وليعلمن نبأها بعد حين

فالله هو المتحكم في شئون خلقه يصرفها كما يشاء

وهل لنا من الامر شيئ ؟!!!

إن الأمر كله لله

عَطِيَّتُه إذا أعــطى ســـرورٌ
وإن أخـــذ الذي أعطى أثابــا

فأيُّ النعمتين أعمٌّ فضلاً
وأحمــد في عواقبهـا إيـابــــــا

أنِعمتُه التي أهـــدت سروراً
أم الأخرى التي أهـــدت ثوابـــا

بل الأخرى وإن نزلت بكرهٍ
أحقُّ بشكرِ مَن صبر احتسابا

نسأل الله أن يرزقنا قلبا خاشعا
وعملا متقبلا
ولسانا ذاكرا
وجسدا على البلاء صابرا
وأن يستعملنا ولا يستبدلنا

اللهــم ارضنــا
وارض عنــا

لكن عواقبه أحلى من العسل

2009-02-12T17:20:00.012+02:00

طبيعي جدا إن يكون فيه حاجات تحبطك وتجيب لك اكتئاب .. هيا الحياة كده ..اتخلقت على كده .. إن يكون فيها الحلو وفيها الوحش .. والمفروض ترضي بنصيبك في الحالتين .. أصل عارف مين اللى اختار لك نصيبك ده ؟؟؟

عارفه ؟؟

طب كويس انك قولت بنفسك .. بس بردو منتاش صافي من جواك كده صح ؟

يعني بتقول في نفسك كده طب وليه ميبقاش كله حلو ؟

ايه اللى هايحصل يعني ؟؟

تعرف ان أنا وأنت عقلنا صغير أوي .. مش مصدق ؟؟ .. طب آديك قاعد في أوضتك دلوقتي .. تعرف ايه اللي بيحصل بره الأوضة ؟؟ .. بلاش دي .. مش أنت عمال تقرا كلامي أهو ؟ .. تعرف ازاي العين بتترجم شوية الحروف دي وتوصلها للمخ على إنها معلومة والعقل بيحتفظ بيها فين ؟؟

شوفت بقي إن عقلنا صغير أوي !!

عمرك ما سمعت المثل اللى بيقول أكبر منك بيوم يعرف عنك بسنة ؟؟؟ .. عشان كده دايما تلاقي الأب والأم بينصحوك ويقولولك اعمل ومتعملش .. عشان إحنا أكبر منك وعارفين أكتر منك ..

مش ده بيحصل لكل واحد فينا ؟؟

طب أنت لو كنت أب وجالك ابنك وهو لابس الملاية بتاعة السرير وقالك أنا هاطلع أنط من فوق السطوح عشان اعمل زي باتمان .. هاتسيبه يعملها ؟؟

مش ممكن تتهور وتضربه عشان تخوفه منها ؟؟

طب ليه كده ؟؟

شوفت آديك جاوبت زي مانا كنت متوقع .. أكيد الواد لو نط من فوق السطح احتمال كبير يموت وفي أحسن الأحوال هاتتكسر رقبته .. بس هو ميعرفش كده إنما أنت عارف كده كويس

الواد بالنسبة له ده حلم جميل نفسه يحققه .. هو ميعرفش الكلام بتاعك عن ان كده خطر عليه .. هوا في دماغه حاجة معينة عاوز يعملها وخلاص

لكن أنت عشان بتحبه فبتمنعه وممكن تضربه كمان عشان يحرم يفكر فيها تاني

وصلك اللى عاوز اقوله ؟؟ ولا موصلكش ؟؟ ولا وصل وبتستعبط ؟؟

هو أنت يعني هاتحب ابنك أكتر من حب ربنا ليك ؟؟

يعني أنت متعرفش إن الرحمة 100 جزء .. منها جزء واحد بنتراحم بيه بيننا وبين بعض .. حب الأم لولادها .. عطف الانسان ع المسكين والغلبان .. حبك لأصحابك وخوفك عليهم .. الرحمة اللى موجوده في قلوب كل البشر من أيام سيدنا آدام لغاية ما القيامة هاتقوم .. جزء واحد بس مش أكتر

لكن ربنا عنده 99 جزء .. تخيل بقي ربنا رحيم بنا أد ايه ؟؟

عمرك هتلاقي حد بيحبك زي ربك اللى خلقك ؟؟

تعرف إنه بينادي كل ليلة في خلقه .. هل من تائب فأتوب عليه ؟؟ .. هل من سائل فأعطيه ؟؟ .. هل من مستغفر فأغفر له ؟؟

ياخي حرام عليك لو كنت فكرت مرة واحدة إن ربنا مش عاوزك .. ولا بيبتليك لأنه بيكرهك .. ده ربك يا بني آدم ..

فاكر لما قلت ع المثل بتاع الواد اللى عاوز يبقي زي باتمان ؟؟ .. الواد مفكر إنه عارف كل حاجة بس الحقيقة مش كده لأنك تعرف أكتر منه

لكن أنت عاوز تقارن علمك بعلم ربنا ؟؟

دا سيدنا موسي لما قابل الخضر .. شافوا عصفورة كده بتشرب من البحر .. ركز كويس في كلمة عصفورة بتشرب من البحر دي .. تفتكر الي شربته العصفورة ده ييجي أد ايه في البحر ؟؟؟

تعرف بقي إن علمي على علمك على علم سيدنا موسي والخضر وسيدنا محمد وكل الخلق واحد واحد لو جمعناهم وجينا نقارنهم بعلم ربنا هايبقي عامل زي شوية الميه اللى شربتهم العصفورة من مية البحر

صدقت بأي إنك مش عارف حاجة .. صدقت إنك مش عارف مصلحتك ؟؟

تمام كده ... يعني خلاص ثبت عندك إن ربنا حكيم عليم

طب بعد ده كله تفتكر إنه بيعمل حاجة وحشة ؟؟ .. تفتكر إنه محتاج يعذب عباده ؟؟ .. حاشاه سبحانه وتعالي

وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ

الواجب عليك أنت في الحالات دي إنك تصبر وترضي بقضاء الله .. إن عظم الجزاء مع عظم البلاء، وإن الله إذا أحب قوماً ابتلاهم فمن رضي فله الرضا ومن سخط فله السخط

قريت دي ؟؟ إن الله إذا أحب قوما أبتلاهم .. ؟؟ يعني سبب الابتلاء هو الحب ..يعني لما ربنا يبتليك يبقي بيحبك

يبقي مش واجب عليك دلوقتي تاخد نفس عميق وتطلع معاه كل الوهن والعجز والضعف وسوء الظن والكآبة ؟؟ وتقول بصوت مليان رضا عن الله سبحانه وتعالي وعن قضاءه وقدره اللى قدره ليك تقول الحمـــد لله

ياخي كفاية إن الحمد لله تملأ الميزان .. انت هاتعوز ايه تاني ؟؟؟

الحمــــد لله
الحمــــد لله
الحمــــد لله

متهيألي كده كل اللى كنت عاوز اقوله خلاص قولته .. اللهم اجعله حجة لنا لا علينا .. واجعل أعمالنا خالصة لوجهك الكريم .. واجعلنا ممن يستمعون القول فيتبعون أحسنه

دلوقتي هاسيبكم مع الفيديو ده .. إن شاء الله هايعجبكم

وأنــا مســافر

2009-02-10T01:09:00.004+02:00

من أكتر الهوايات اللى بتسيطر عليا غصب عني لما باكون قاعد مع نفسي في ساعة صفا كده ولحظة تجلي
وخصوصا لما باكون مسافر واقعد جنب الشباك وافضل باصص ع الطريق من بره معرفش ايه المتعة في كده بس الجو ده لوحده عموما
كفيل انه يجهز لي بيئة سليمة جدا لممارسة الهواية دي

هيا هواية التأمل

مش شرط يكون مثلا في الشجر اللى على جوانب الطريق أو الأراضي اللى مليانه خضره تسحر العيون
ولا الميه اللى بتخلي الواحد ينسي كل حاجة لما يشوفها
بس تأملات في حياتي الشخصية .. الناس من حواليا .. ابدأ امسك كل موقف وافصصه .. يا تري هوا عمل كده ليه
وده يدل على ايه في شخصيته .. والبني آدم ده الواحد يتعامل معاه ازاي بعد كده
ممكن تلاقيني سرحت شوية في الماضي .. واقعد افتكر مواقف حصلت من زماااااان .. لو كنت قاعد جنبي وملاحظ تعبيرات وشي هاتعرف انك قاعد جنب واحد مجنون
لأن الماضي ده كان فيه كل حاجة .. حلوة ووحشة .. مواقف تفطس من الضحك .. ومواقف تخليك تخلص المخزون الاستراتيجي من الدموع اللى عندك
افضل افتكر .. ناس ماتت .. ناس خانت .. حبيت ناس .. كرهت ناس ..
اتخدعت في ناس .. أعجبت بشخصيات ..واستحقرت شخصيات تانية ..
ويفضل بعد كل ده حاجة واحده بتجمعهم كلهم ..
إني اتعلمت من كل واحد فيهم ..
الحلو اتعلمت منه حاجات حلوة ..
والوحش اتعلمت ازاي اتعامل مع أمثاله ..

وهيا الدنيا كده شوية معاك وشوية عليك .. المهم انك متبطلش تتعلم منها أبدا ..
وتستفيد من خبراتك .. متخليهاش مجرد ذكريات وبس ..
وزي ما بحر الخيال والتأمل واسع .. فممكن في أي وقت ومن غير ما احس .. الاقيه حدفني في المستقبل .. واقعد اتخيل نفسي في مواقف مختلفة

والناس اللى حواليا .. ياتري هايتغير فيهم ايه ... هاتعلم ايه تاني لسا متعلمتوش .. هاكون راضي عن نفسي ولا ايه النظام
وامتي هاوصل لمرحلة هاقول فيها بعد تنهيده طويلة : يااااااااااااااه كفاية لحد كده أوي .. معنتش عاوز حاجة أكتر من كده

لما أموت هاكون حققت هدفي .. ولا هاموت قبل ما احققه ..
وهاموت وربنا راضي عني ولا لا

وايه هايكون النظام لو حصل اني كنت اول واحد يموت في اللى حواليا ..
وهاتفرق ايه لو كنت انا آخرهم ..
وافضل كده اتحول من صورة للتانية ومن موقف لآخر يا اما دماغي تصدع من كتر التفكير والاقي النوم أحسم الموقف ..
يا اما الاقي الطريق خلص بسرعة .. وأنا في رحلتي لسا موصلتش لحاجة ..

سمو الامير على قنــاة النــاس

2009-02-07T14:18:00.002+02:00

ابتدت الفقرة بتاعتنا بفاصل درامي كده

بيمثلوا فيه طريقة للحوار بطريقة ساخره

بعدين بندخل احنا ياخدوا رأينا في اللى حصل نتناقش بأي عن الحوار وآدابه وفن الحوار وكده

أسيبكم بأي مع الفيديوات

يللا .. فوتكم بعافيه

سلام

ثري .. تووو .. واااااان .. هواااا

2009-01-31T12:05:00.008+02:00

صحيت على صوت الموبايل بيرن كتير .. قمت رديت لاقيت واحد صاحبي .. قالي كلام كتير ما استوعبتوش .. وكلامه بدأ يختفي واحده بواحده
قلتله افتح الماسنجر أحسن عشان أنا مش فاهم حاجة .. وقد كان .. قالي إنه هايقدم برنامج جديد على قناة الناس .. ومعد البرنامج عاوز شباب مثقف وعلى وعي .. عشان يكونوا ضيوف في الحلقة .. وهو شايفني شخص مناسب إني أكون ضيف الحلقة الجاية
- أيوة بس .. طب ازاي .. الل ... بقولك ايه ... استناني خمسة كده آخد رأي أهلى وأرد عليك

والحمد لله لاقيتهم موافقين ومرحبين بالفكرة .. توكلنا على الله ... بس صحيح ... موضوع الحلقة عن ايه ؟؟؟
رد وقالي : الحــوار ..

- الحوار ؟؟؟ إزاي يعني ؟؟؟
- الحوار .. أهمية الحوار .. أهداف الحوار .. ثقافة الحوار .. فن الحوار
- إيه يبني الكلام الناشف ده .. أنا مش فاهم حاجة
- متخفش الموضوع أبسط من كده .. اعتبرها دردشة كده
- طب فهمني أكتر عشان أنا بردو مش عارف النظام هايكون ازاي
- أنا بردو لسا زيك .. لما اعرف معلومات جديدة هابلغك
- أوكي .. بس الحلقة دي امتي
- يوم الجمعة الجاي .. الساعة 2.00 بعد الضهر .. ع الهوا
- نعم ؟ نعم ؟ نعم ؟ .. الجمعة الجاي ؟؟ .. الى هوا بكره ؟؟ .. ع الهوا كمان ؟؟؟

وهكذا حاسس إني دبست نفسي .. بكره هاطلع ع التليفزيون .. وع الهوا كمان .. يعني الغلطة بجون .. ربنا يستر أنا مش هاعرف حد خالص بالموضوع ده .. عشان أكيد من عنوان الموضوع أصلا والحوار الكبير ده شكلي مش هاعرف اتكلم في البرنامج وفضحتي هاتبقي بجلاجل
لكن طبعا إخواتي الصغيرين أول ما عرفوا نشروا الخبر ولا وكالة رويترز
وكل واحد في عيلتنا خد خبر بالموضوع واتصل يتأكد من صحته

وأول ما اتأكدوا بدأنا سلسلة تانية من النقد
وطبعا عارفين الموضوع بتاع بلاش كلام في السياسة عشان ماتروحش في الرجلين .. سيبك من الموضوع ده .. انت كده هاتتحسد .. والكلام اللى مبيجبناش غير ورا ده ..
طبعا اللى كانوا فاكرين إن الكلام هايبقي في السياسة .. أولا اسم البرنامج .. كلام تاني خالص .. ثانيا وقت البرنامج خصوصا بعد اللى حصل في غزة .. ثالثا وهو موضوعه الحوار وثقافة الحوار قالولك زمانهم بأي هايتكلموا إن لازم يكون فيه حوار بين الحكومة والمواطنين والكلام اللى بيقوم الحروب ده ...
على ما أقنعتهم إن الموضوع مالوش دخل في السياسة خالص .. وإن حتي لو له دخل في السياسة مش أنا اللى ينفع اتكلم فيها لأني معرفتي فيها محدودة .. وبعدين أنا لو رفضت اطلع عشان خوفهم عليا من الحسد يبأي مستحيل هاقدر اسامح نفسي بعد كده .. دا غير إن الخوف من الحسد لوحده بيضيع على ناس كتير فرص مش سهلة ترجع لهم تاني

ومن يتهيب صعود الجبال .. يعش أبد الدهر بين الحفر

حبة بحبة كنت على اتصال دائم بصاحبي اللى هايقدم البرنامج .. كل شوية اعرف منه معلومة جديدة

* المعد بينبه عليك ان مفيش كلام في السياسة خالص .. يا سلام عز الطلب ...
* المخرج عاوزك تييجي بهدوم كاجوال مش بدل وحوارات فاضية من دي .. وهو المطلوب إثباته هيا ناقصة خنقة ...
* البرنامج هايبدأ الساعة 2 الضهر وأنت لازم تكون عندي في شبرا من الساعة 9 .. ودا طبعا يتطلب إني اطلع من بيتنا بعد الفجر
* هات معاك محمود صلاح عشان عاوزين كمان ضيف .. الله الله .. دا كده تمام أوي .. محمود أحد أصدقائي الأنتيم .. معايا من اعدادي وثانوي وفي نفس الكلية وساكنين مع بعض في نفس الشقة اللي في السويس .. واحنا الاتنين كنا مع بعض في كل الأنشطة .. اتحاد طلبة .. مسابقات ثقافية .. جمعية رسالة .. وجمعية هبة الخير .. وكمان في حاجة كده مش لازم اقول عليها دلوقتي ..
* هايكون فيه بروفات للمذيعين بس ، لكن الضيوف لأ .. ازاي ده ؟؟ دحنا أول مرة نصور، مالناش بروفات ؟؟ وبعدين بروفات للمذيعين ؟؟ هما كام واحد ؟؟؟ .. أتاريهم 4 مذيعين .. واحنا 2 ضيوف .. والكترة تغلب الشجاعة . ربنا يستر
المهم أنا لما لاقيت الموضوع بجد وحقيقي .. قلت اعرف اللى معرفش بأي واللى يحصل يحصل .. ع الاقل محدش يقدر ييجي يقولي معرفتنيش ليه

أنا بصراحة كنت مرعوب جدا .. قلت استغل الوقت ده أدور ع النت على أي كلام ارطم بيه بكره بدل ما هايكون شكلي وحش قدام 80 مليون مواطن

لكن للأسف كل الكلام اللى لاقيته هو كلام أكاديمي بحت .. قالب شوية على علم نفس وتنمية بشرية .. وشوية ديني بيتكلم عن الاختلاف والجدال ... المهم إني قرأته قلت اعمل اللى عليا .. رغم إني مفهمتش حاجة بس أهو راضيت ضميري

رحت تاني يوم في الميعاد ووصلنا لمدينة الانتاج الاعلامي .. ودخلنا استديوهات قناة الناس على الساعة 10 ونص كده
دخلنا جوه في الاستراحة نستني باقي الفريق

يااااااااااااه .. بأي الكرسي اللى أنا قاعد عليه ده قعد عليه قبل كده الشيخ محمد حسان .. ومحمود المصري .. ومحمد حسين يعقوب .. وأبو اسحاق الحويني .. وراغب السرجاني .. ومحمد جبريل .. وسعيد توفيق ؟؟؟!!!

بأي الكرسي اللى أنا قاعد عليه ده قعد عليه قبل مني كبار علماء الأمة ؟؟!!!

أنا مش مصدق نفسي ... حاولت اتأقلم مع الجو .. وخصوصا لما جه باقي الفريق .. واتعرفت عليهم .. وقعدت ادردش معاهم ونتكلم ونرغي مع بعض .. عشان لما نييجي نقعد قدام الكاميره اعتبرها قعدة مع أًصحابي وميكونش فيه رهبة أو خوف وقلق وكده
الحمد لله كانوا شوية شباب زي العسل .. وخدنا على بعض بسرعة .. واعتبرنا نفسنا داخلين ندردش سوا ..
سألونا : تحبوا نسألكم إزاي ؟؟

قلتلهم أهم حاجة بلاش الأسئلة الناشفة اللى هيا اذكر أهمية الحوار .. وما هي أنواع الحوار .. والكلام ده
يعني خليها دردشة عادية .. كلام شبابي يعني ... واحنا إن شاء الله هانسد معاكم .. ماتخافوش يعني
المهم شوية ونزلنا صلينا الجمعة .. وبعدها كان طقم المذيعين مع المخرج بيعملوا بروفات وبيجهزوا نفسهم .. وأنا ومحمود صاحبي فضلنا ندردش مع الضيوف اللى هايطلعوا في الفقرات اللى بعدنا .. شريف شحاته .. شاب داعية إسلامي .. وياسر المرعي .. هو خبير في التنمية البشرية .. ولما عرف اننا ماسكين التسويق والدعاية في هبة الخير قعد يتكلم معانا عن انجازاته ومشاريعه وأبحاثه اللى بتفيد البشرية وتخدم العلم
طبعا من خلال طريقة كلامه كان واضح أوي إنه بيسوق لنفسه عشان نبأي نتفق معاه ييجي يقدم عندنا كورسات في الجمعية .. واحنا بردو ما أحرجناهوش وخدنا رقمه وقولناله هانعمل شغل مع بعض ان شاء الله
أما شريف شحاته فكان مشغول بورقة كده بيجمع فيها أفكاره وبيرتب كلامه اللى هايقوله

كان معانا طفلة عندها 11 سنة .. اسمها آيــه .. فضلت تطمننا إن الموضوع سهل خالص .. وهيا مجربة قبل كده .. لأنها بتغني في قناة الناس والحافظ والحكمة ومش عارف ايه كمان .. وكانت واثقة من نفسها أوي .. وبصراحة صوتها جميل جدا ما شاء الله

فقرتنا كانت أول فقرة خالص .. بس أول ما البرنامج اتذاع وشوفت الناس اللى كانوا واقفين معايا من شوية ، ع الشاشة .. بطني دربكت وعرقت وكنت قلقان جدا وعاوز ادخل الحمام !!

شوية وجالنا واحد خد أسامينا وقالنا أنا اللى مسئول عن دخولكم للبلاتوه قبل ما فقرتكم تبدأ بهسة هناديلكم
الواد كان راسم نفسه أوي لدرجة إنه كان محسسني إنه مسئول عن عبورنا للقناة .. وبعدين إيه هسة دي ؟؟ أنا آخر حاجة حضرتها بعد النانو ثانية والفيمتو هيا الفسوة .. جت منين الهسة دي ؟؟

ما علينا .. الفقرة بتاعتنا بدأت ودخلنا ... وأنا اتصبب عرقا ( حلوة اتصبب دي ) وعمال اهدي في نفسي وآخد نفس عميق
بس بردو جو التليفزيون دا يخض شوية .. كاميرات وميكروفونات واستوديوهات واضاءة

و .. ثري ... تووووو ... وااااااااان ... هواااا

بدأ ليث – الفلسطيني - : أهلا بيكم مشاهدينا الكرام من جديد ومعانا ضيوفنا نحب نتعرف فيكم ... الخ الخ الخ
و شوية ليث يسأل .. وشوية محمد .. وشوية عبد الرحمن والحمد لله الرابع بتاعهم اللى هو خالد استني للفقرة اللى بعدنا

ومرة كنت أنا اللى جاوب ومرة تانية محمود

والحمد لله الموضوع مشي عادي كأنه دردشة فعلا بين مجموعة أًصحاب

صحيح أنا كنت متوتر حبة .. بس في الأول بس وبعد كده دخلت في المود عادي .. ولما اتفرجت ع الاعادة لاقيت إن الموضوع كان عادي خالص حتي التوتر ده مكانش باين للدرجة اللى كنت متخيلها

خلصنا فقرتنا من هنا .. وطلعنا ع الاستراحة .. ألاقيلكم مين قاعد على نفس الكرسي اللى كنت أنا قاعد عليه ؟؟؟

الشيخ محمد جبريل !!!

ايه ده ؟؟ الشيخ جبريل بنفسه ؟؟ شايفه بنفسي كده قدامي ؟؟؟ عادي يعني ؟؟؟

طبعا خدت صاحبي وقولتله تعالي نروح نسلم عليه ونخليه يدعيلنا دعوتين كده .. صاحبي كان معترض شوية وقالي خليه يمكن مشغول ولا حاجة
قلتله مهو أنا مش هاضيع فرصة زي دي .. وشديته من ايده على جوا .. هم القوم لا يشقي بهم جليسهم
والراجل أول ما شافنا رايحين نسلم عليه .. قام من مكانه واتقدم ناحيتنا وجه هو اللى سلم علينا .. يا سلام ع التواضع .. ربنا يكرمك يا شيخ ويزيدك من فضله ويكتر من أمثالك
وقعد يدعي لنا وينصحنا .. قالنا نصيحة في أربع كلمات .. أوصيكم بالقرآن والصحبة الصالحة
وكان أجمل ختام لليوم الجميل ده

بعدها خرجنا وركبنا في المواصلات وروحنا ع البيت ...

ملحوظة مالهاش لازمة : قريب ان شاء الله هارفع الحلقة عشان اللى عاوز يشوفها بس أما اظبطها الأول لأن مساحتها كبيرة جدا ..

سلام

...........

تحديث : تم الانتهــاء من رفع الفيديوات ويمكن مشاهدتها الآن عن طريق هذا الرابط

سمو الامير على قناة الناس

بداية جديدة

2009-01-28T17:27:00.002+02:00

بداية جديدة

قصة قصيرة

بالرغم من أن هذا المشهد ليس بالغريب عليه إلا أنه هذه المرة اختلف كثيرا ، اعتاد دائما أن يري حوادث السيارات في هذا الطريق الصحراوي وفي كل مرة كان يقلب كفا على كف مرددا " إنا لله وإنا إليه راجعون "

إلا في تلك الحادثة فقد نزل من سيارته وأخذ يقترب من مكان الواقعة ليتأكد مما رأي ..

وعنددما اقترب أكثر ووضحت له الرؤية بما لا يدع مجالا للشك أصيب بصدمة عنيفة ، توجه إليه أحد أفراد الشرطة ليبعده ويأمره أن يركب سيارته ليذهب مسرعا من هذا المكان ..

ولما أصر الرجل أن يعرف ماذا حدث لسائق السيارة التي لم يتبق منها إلا حطاما أكلته النيران ، أخبره الشرطي بموت السائق واثنين آخرين .. وإصابة باقي الركاب ..

نزل الخبر كالصاعقة على هذا الرجل عندما علم بموت زميله .. وعاد إلى سيارته وهو يغالب دموعه مقلبا كفا على كف .. وقد أصيب لسانه بالشلل فلم ينبس ببنت شفة ...

ركب سيارته وقد بادره أحد الركاب متسائلاً : " خير يا أسطى ؟؟ "

فرد بصوت متقطع تخنقه الدموع الحبيسة " خير إن شاء الله يا أستاذ ... إن شاء الله خير .. "

وما أن دار محرك السيارة حتي انطلق في طريقه ، وقد خيم الصمت على جميع الركاب وعلى السائق من قبلهم .. الذي لم تفارق مخيلته صور عديدة أخذت تعرض أمام عينيه واحدة تلو الأخري ... لم يستطع نسيان المشاجرة التي تمت بينه وبين زميله بالأمس .. بسبب دور كل منهما في التحميل .. فها هو زميله قد ترك الدنيا بكل ما فيها !!!

لم يستطع نسيان نبرته الحادة في هذه المشاجرة .. لم يستطع نسيان وابل الشتائم والسباب والوعيد الذي خرج من لسانه في تلك اللحظة ..

كم تمني أن يتحكم في عصبيته الشديدة وميله الدائم للعنف .. كان دائما ما يسمع هذه الجملة " عصبيتك دي هاتوديك في داهية .. أنت كده هاتخسر كل الناس " ولكنه أبدا لم يستطع السيطرة على انفعالاته ...

أفكار كثيرة جالت بخاطره ، ما أن انتبه منها حتي توقف فجأة بالسيارة مستئذنا من الركاب " معلش يا جماعة ، خمسة وراجع "

نزل من السيارة ممسكا بهاتفه المحمول طالبا لرقم ما .. أخذ يبتعد رويدا رويدا .. وهو يتحدث في هاتفه ،

ثم عاد لسيارته وهو ينهي آخر الحديث بصوت سمعه كل الركاب " بجد مش زعلانة مني يا أمــا ؟؟ ... ربنا يخليكي ليا يا ست الكل ... مع السلامة "

ثم ركب سيارته وهو يمسح دموعا نزلت سهوا من عيونه لتجد طريقها على خديه ...

وقبل أن يكمل رحلته طلب منه أحد الركاب الانتظار لعمل مكالمة عاجلة .. نزل الرجل مبتعدا عن السيارة .. تبعه كل الركاب .. كلٌ ممسك بهاتفه .. ومبتعدا عن الآخر قدر المستطاع لئلا يسمعه أحد ...

وما هي إلا دقائق معدودة حتي عاد الركاب إلي السيارة .. واعتدل السائق في جلسته بعد أن كان ساندا رأسه للخلف مغمضا عينيه ... بدأ في إدارة محرك السيارة وهو يردد " توكلنا على الله .. استرها معانا يا رب "

وانطلقت السيارة لتبدأ الرحلة من جديد ...

انتهي ...

فضفضة مش أكتر

2009-01-09T15:19:00.004+02:00

عقارب الساعة لا تكف عن الحركة أبدا ، وإن كنت أراها هذه الأيام تسير بسرعة لم يسبق لها مثيل ، فمن فترة أراها قريبة جدا جدا كان المتبقي على بدء امتحانات نصف العام أسبوعا كاملا وها هو الأسبوع مر سريعا غير آبه بما أنهيته أو لم أنهه من المنهج فهذا ليس من شأنه ، إنما عليه أن يمضي فقط

ولكن العجيب فعلا في الأمر هو حالة اللا مبالاة التي أصبحت تتملكني قبل كل امتحان
وهو ما أعزيه لأسباب عدة من أهمها كثرة الامتحانات التي مرت علىّ ..

فنحن في كليتنا نبدأ الدراسة بعد أسبوعين من بدء الدراسة لأن أول أسبوعين ليس لهم أهمية ففيهم تعريف بالمادة والدكتور والنظام الذي سنسير عليه والذي يمكن لأي طالب أن يعرفه مسبقا ممن يكبره سنا داخل الكلية

يليهم أسبوعين جادين نواظب فيهم على حضور المحاضرات بانتظام والتطبيق في السكاشن لتصبح ساعة مذاكرة في اليوم كافيه جدا للانتهاء من فهم الجزء الذي تم دراسته وأحيانا التحضير لما سيتم تناوله في المحاضرة القادمة وبالطبع ينال الترفيه حظه في هذين الأسبوعين

يالها من فترة رائعة حقا .. ففيها يفعل المرء ما يحلو له .. قراءة ومذاكرة ومرح وووو
ولكن ما أقصرها من لحظات .. ترحل سريعا عندما يعلن أحد الدكاترة أن الأسبوع القادم سيبدأ امتحان أعمال السنة في مادته mid-term

فأتفرغ كليا لمذاكرة هذه المادة ... مذاكرة الجزء النظري وحل المسائل واللاذي منه .. ليبدأ الامتحان وقد أخذت حقها تالت ومتلت
وما أن نفرح بانتهاء هذا الامتحان حتي نجد أنفسنا أمام امتحان مادة أخري في الأسبوع القادم فنتفرغ كليا لها كما فعلنا مع سابقتها حتي يجئ ميعاد الامتحان

وهكذا نظل ندور في هذه الدئرة المفرغة الحلقات .. كل أسبوع مادة .. وبالتأكيد فإن المادة التي أنهينا امتحان أعمال السنة لها يكمل الدكتور ما تبقي منها غير آبه بما نلاقيه من إمتحانات لمواد أخري

فتتراكم المواد فوق رؤوسنا وتكثر المهام ويضيق الوقت عن إنجاز أي شئ .. لا لمذاكرة الأجزاء الجديدة .. ولا لمراجعة الجزء الذي تمت مذاكرته قبل امتحانات ال mid-term ولا حتي لمذاكرة المادة التي جاء عليها الدور في الامتحانات
وبالتأكيد لا وقت لممارسة أي أنشطة او ترفيه وإن كنا في الغالب نتهرب من هذه المذاكرة المتلتلة إلى جو المرح واللعب ولكن بدون استعداد نفسي .. فهو في حقيقة الأمر ليس ترفيها عن النفس وإنما هروبا من المشكلة التي لا نقدر على مواجهتها ..

أسابيع تمضي وتمر في نفس الإطار السخيف الذي يدعي امتحانات الميد ترم وحتي ننتهي منه لنقف علي تلال من الصفحات والمسائل لا بد أن تنتهي في وقت قياسي لأن امتحانات الشفوي والعملي قاربت على البدء بطريقة مثيرة للقلق

وهكذا تمضي أيضا امتحانات الشفوي والعملي ولا يتبقي على امتحانات ال final غير أسبوع واحد .. هو ذلك الأسبوع الذي أخبرت عنه مسبقا وعن مروره سريعا جدا

لتبدء أزمة أخري متمثلة في هذه الامتحانات

وهكذا يمر عام خلف عام .. لا يفرق هذا عن سالفه كثيرا إلا في ازدياد درجات الصعوبة والتعقيد في المواد .. والتي يجزم ويجمع كل الخريجين على عدم جدواها في الحياة العملية .. مؤكدين أنه كله كلام فاضي وأن الواقع العملي لا يمت له بصلة .. لا من قريب ولا من بعيد

وهو ما يجعل المذاكرة بلا هدف .. كيف اذاكر ما لن استفد به .. هذا هدر للوقت .. كله كلام فاضي .. وابقي قابلني لو استفادت منه بشئ واحد .. تتجمع كل هذه النداءات والإيحاءات الداخلية لتكون لدي صاحبها حالة من اللامبالاة بما يحدث حوله

إمتحانات .. أبحاث .. مشاريع .. شيتات .. تقارير .. وما إلى ذلك .. ولا يبالي

حقا .. كثرة المساس تفقد الإحساس

العام كله تقريبا أصبح امتحانات .. أصبحنا نمتحن أكثر مما نتعلم .. فعلام القلق والتوتر والذي لا طائل من وراءه ؟!!!

لا أود الإطالة أكثر من ذلك .. فقد كنت أود التحدث فقط عما بداخلي من أحاسيس وما يعتريني من هموم نفثتها بين سطور هذه الصفحة لأسألكم الدعاء بصدق نية بالتوفيق في الامتحانات

اللهم علمنا ما ينفعنا
وانفعنا بما علمتنا
وزدنا علما

اللهم استخدمنا ولا تستبدلنا

اللهــم آميـــن

لحين لقاء آخر بمشيئة الله لكم مني التحية وعليكم من الله السلام

مين مع مين ؟؟؟

2009-01-06T02:54:00.003+02:00

حاجة تحير فعلا

غزة بيموت فيها المئات دلوقتي منهم الأطفال والشيوخ والنساء وإحنا هنا وهناك كل واحد بيرمي المسئولية على التاني
تطلع قطر بقناتها الجزيرة واللى ما صدقت إن مصر مش راضية تفتح المعابر للفلسطنيين عشان يدخلوها واستغلت الموقف ده وقال إيه تقولك مصر لازم تعمل وتعمل وتشوه صورة مصر في الحرب الإعلامية اللي بتقودها على مصر

بسلامته حسن نصر الله وإيران كمان بيقولك مصر متواطئة مع العدوان ومش عارف إيه .. والمفروض تعمل وتعمل وتعمل وقال إيه حزب الله زي ما بيسميه مهمته الدفاع عن لبنان وبس

وقال إيه مصر بتقول أنهم بيفتحوا المعابر للفلسطنيين عشان نبعت لهم المساعدات واللاذي منه
وإننا مش هانفتح المعابر لعبور الفلسطنيين عشان مانكونش بنساعد إسرائيل في هدفها من إخلاء غزة من الفلسطنيين والاستيلاء عليها وكمان تقولك إن حماس هيا السبب في اللي بيحصل في الشعب الفلسطيني في غزة لأنهم نقضوا الهدنة مع إسرائيل وإنهم بيعملوا عشان مصلحتهم وبس

وحماس تقولك إحنا مخدناش القرار بمفردنا لكن بموافقة كل الفصائل

يروح محمود عباس رئيس فلسطين واللى في نفس الوقت رئيس حماس يقول يا جماعة نهدي شوية ونعمل هدنة

تروح حماس تقوله لأه إحنا مش هانستسلم وهنحارب

والفلسطنيين عمالين يعملوا مظاهرات في اليمن وراحوا للقنصلية المصرية واقتحموها ورفعوا علم فلسطين عليها بدل علم مصر!!!

دا غير الجرايد والقنوات التليفزيونية على إختلاف نوعها إذا كانت تبع الإخوان ولا الشيعة ولا الحزب الوطني حتي ، كل واحد دلوقتي هدفه يدافع عن نفسه وعن موقف المخزي ويلقي بالتهمة على التانيين

ييجي الغرب وأمريكا يقولوا إسرائيل يا أخواننا بتدافع عن نفسها

نقوم إحنا إيه بأي نمشي ورا كل واحد منهم ويا تري مين الصح .. وكل واحد المفروض يعمل إيه .. وإزاي أبو الغيط يتكلم بالطريقة دي ... والله يرحم أيام عمرو موسي ... ومش عارف إيه

اللى أنا شايفه بأي مادام كله بيتكلم اشمعني أنا يعني ... إحنا سبنا المشكلة الأصلية ومسكنا في الفروع .. عملنا زي اللى بيقول ماقدرش ع الحمار ، بيتشطر ع البردعة ... مش قادرين نقف أدام عصابة يهودية قذرة فبنطلع غلنا في بعض .. وبننشر غسيلنا الوسخ أدامهم وأدام العالم كله

يا اخواننا كل واحد يتكلم على اللي يقدر يعمله مش على اللى التانيين المفروض يعملوه

وعندي تعليق بسيط على اللى حصل في اليمن اشمعني عملوا كده في القنصلية المصرية ومحدش جه عند السفارة الأمريكية وقال بم !!!

اللى أنا شايفه دلوقتي واللى كلنا ملاحظينه قاله الحبيب عليه الصلاة والسلام من أكتر من أربعتاشر قرن " يوشك ان تتداعى عليكم الامم كما تتداعى الاكلة على قصعتها، قالوا: اومن قلة يارسول الله؟ قال (صلى الله عليه وسلم): بل انتم كثير، ولكنكم غثاء كغثاء السيل، ولينزعن الله المهابة من قلوب اعدائكم منكم، وليقذفن الله في قلوبكم الوهن، قالوا: وما الوهن يا رسول الله؟ قال (صلى الله عليه وسلم) : حب الدنيا وكراهية الموت "

صح إحنا الوهن ملي قلوبنا .. ما بقيناش نفكر غير في ( حياتنا ) و إزاي اشتغل واكسب واتجوز واخلف وأجيب عيال أربيهم وأعلمهم وأمن لهم مستقبلهم عشان يعيشوا ( حياة ) حلوة من بعدي
وبنفرح أوي لو حد مننا خد إعفا ولا تأجيل من الجيش ودا كله ليه ؟؟ لأن الوهن ملا قلوبنا .. حب الدنيا أعمانا عن كل حاجة

دحنا حتي على الرغم من إننا عايشين عشان نأمن حياتنا وحياة ولادنا إلا إننا حتي مش عارفين نأمنها .. فاكرين الفلوس وبس هي اللى بتأمن لهم مستقبلهم .. وبدل ما نزرع في قلوبهم وقلوبنا قبلهم طاعة ربنا والرسول وحب الخير ونتعلم ديننا صح ونفهم اللى بيحصل في دنيتنا ( حب الدنيا وكراهية الموت ) أعمتنا عن كل حاجة

وبقينا ماشيين في طريق مليان حفر .. وقد أصابنا العمي ... لنترك من زعموا أنهم تطوعوا لكي يرشدونا للطريق الصحيح يقودونا كالغنم والماشية ... ونسمع كلامهم ونصفق لهم ... دون أن نمتلك العقل الواعي الذي يستطيع أن يقرأ ما يحاك لنا في غرف البيت الأبيض وعلى موائد الكنيست الإسرائيلي واللى بيعملوه فيننا بكلمتين بس .. آمنوا بيهم .. وعرفوا يطبقوهم صح ... فرّق تســد

للأسف يا جماعة الحرب مش على غزة .. الحرب اللى إسرائيل بتقودها حرب ع الإسلام في كل مكان .. بالنسبة لهم معندهمش فرق بين سني وشيعي وإخوان وصوفي والكلام ده ..

هما عندهم الإسلام = الإرهاب
وهما أعلنوا حربهم على الإرهاب يعني من الآخر كده بيقولولنا إحنا بنحارب الإسلام

عشان كده كانت الحرب في طالبان لأنها حركة إسلامية يعني تنظيم إرهابي

وعشان كده كانت الحرب على حزب الله ودلوقتي الحرب على حماس

ولنفس السبب كانت الحرب على المحاكم الإسلامية في الصومال

وقيسوا على كده ما يحدث في البوسنة والهرسك والشيشان ودارفور وغيرها وغيرها
ودا كله عشان يحققوا حلمهم .. من النيل إلى الفرات .. دا دي المملكة بس لكن هما عاوزين يحكموا العالم كله

الكلام كتير والواحد مالوش نفس يتكلم أكتر من كده
بس عاوز اقولكم على حاجة مهمة
حاجة أنا متأكد منها وعلى يقين بيها
إنهم مستحيل هاينتصروا على الإسلام
مستحيل يقضوا على دين الله

فلو كان هذا الدين يموت لمات يوم أن خرج الرسول في قومه يدعوهم للإسلام فقال له ( عمــه ) " ( تبــاً ) لك ألهذا جمعتنا ؟

لو كان هذا الدين يموت لمات يوم أن عذب بلال وشهد أصنافا عدة من العذاب ولكنه ما تخلي عن دينه

لو كان هذا الدين يموت لمات يوم ألقيت السيدة سمية رضي الله عنها بالحربة في موضع عفتها لتكون أول شهيدة في الإسلام

لو كان هذا الدين يموت لمات يوم الهجرة

لو كان هذا الدين يموت لمات عندما اجتمع الكفار ليضربوا الحبيب ضربة رجل واحد وينتهي أمره

لو كان هذا الدين يموت لمات يوم أحد يوم انهزم المسلمون
لو كان هذا الدين يموت لمات يوم الأحزاب
لو كان هذا الدين يموت لمات بموت الرسول
لو كان هذا الدين يموت لمات يوم أن ظهرت الردة وحاربهم الصديق عليه رضوان الله
لو كان هذا الدين يموت لمات عند مقتل الفاروق
لو كان هذا الدين يموت لمات عند ظهور الخوارج وعند قتل عثمان رضي الله عنه
لو كان هذا الدين يموت لمات بمقتل على بن أبي طالب

لو كان هذا الدين يموت لمات عندما اقتحم الصليبيون المسجد الأقصي
لو كان هذا الدين يموت لمات يوم أن دخل التتار بلاد المسلمين ليقتلوا وينهبوا ويحرقوا الكتب ويرموها في النهر لتعبر عليها خيولهم

ولكن الدين لم يمت
الدين لم يمت
ولن يموت
الإسلام لن يموت
والله لن يموت
وسيمكن الله لدينه
ولن يبقي بيت مدر ولا وبر إلا ويدخله الإسلام
وليتمن الله هذا الأمر إما بعز عزيز أو بذل ذليل
ولكننا في حقيقة الأمر لسنا أهلا لأن نشهد تلك اللحظة
فنحن لا نستحق النصر
وسنبقي هكذا إلى أن نعود لديننا وننقي قلوبنا من الوهن

فاللهم اجعل الدنيا في أيادينا ولا تجعلها في قلوبنا
ولا تمتنا حتي تقر أعيننا بنصرة دينك

آسف على الإطالة والسلام ختام

لسنا إخوة

2008-12-29T20:10:00.005+02:00

أيها الأبطال في غزة ،،

لسنا أخوة ،،

فأخوتكم شرف عظيم لا يحق لأمثالنا أن يتصف به

نحن أقل من ذلك ...

أقل بكثير

لقد صنعتم أمجادا حقيقية ،،

اختلقناها نحن في أشعارنا وقصصنا وخطبنا ،،

ووصفنا نفسنا بها

فنحن أصحاب الأمجاد الوهمية

نحن العرب وقد أصبحت أخجل من قولها

لقد عرفتم الجهاد وما آن لنا أن نعرفه

حظيتم بالاستشهاد

أما نحن فما أسعدنا إن تكلمنا وجها لوجه مع هذا المطرب أو ذاك اللاعب

يا أطفال غزة -

عذرا يا عظماء غزة ،،

هنيئا لكم ،، صرتم رجالا قبل أن تولدوا

أما نحن فقد اختفت لدينا الرجولة والمروءة

أنتم تذبحون ،

في كل واد تقتلون ،

بأي ذنب تقتلون !!!

أما نحن في الطرقات هائمون ،

وعلى النواصي متواجدون ،

متساءلون متناقشون ،،

في كل تافه من المواضيع

وعن كل وضيع من المخلوقات

أيها العظماء ،،

حقيقة اشعر أمامكم بخجل كبير ،،

لا تناشدونا ولا تطلبوا منا شيئا

فليس بيننا المعتصم

ليس منا صلاح الدين

عظماء غزة ،،

على كل حال لسنا إخوة

فأنتم ملوك في مملكة العظماء

ونحن

صرنا

عبيدا

في

مملكة الأقزام

ق ق ج 1

2008-12-18T23:17:00.006+02:00

قصة قصيرة جدا

.........

فكرني TiMmY - حيث يمثل 50% من زوار البتاعة بتاعتي :) - بالقصص القصيرة جدا وأنا باحبها فعلا وليا محاولات بسيطة كده في الكتابة فيها منها البتاعة اللى جبتها النهاردة دي

...................

* صليت الجمعة امبارح فين ؟

- في الجامع اللى جنبنا ... وأنت ؟

* أنا بقي صليت مع الشيخ فلان الفلاني بنفسه !

- بجد ؟ الخطبة كانت عن ايه ؟

* هه ؟!!!!

.................

إن شاء الله تعجبكم